Inicio
Subsidioak edo prestazioak jasotzen dituzten ikasleak
Zer gertatuko litzateke lan bat praktikak egitearekin bateratzen bada, eta horiek egitean istripu bat gertatzen bada?
Kasu horretan, istripuak eragindako lesioek lana egitea eragozten badute, gertakizun arruntengatiko aldi baterako ezgaitasun egoera bat sortuko da (izan ere, istripua praktikak egitean gertatu zen, ez besteren konturako lanean). Arau orokorren arabera, lan egiten den enpresak ordaindu beharko luke prestazio ekonomikoa (ez praktikak eskaintzen dituen enpresak, praktikak lan batekin bateratzean, ez baita GSLOren 52. XGren aplikazio-eremuan sartzen). Kasu horretan, aldi baterako ezgaitasunagatiko prestazio ekonomikoa jasotzea praktikak egitearekin bateragarria litzateke.
Zer gertatuko litzateke ordaindu gabeko prestakuntza-praktikak egiten dituen pertsona batek, alta emanda dagoenak, istripua izaten badu jarduera horiek egin bitartean?
Kasu horretan, praktikak egiten ari den pertsona hori praktikak egiteko gai ez bada, kontingentzia profesionalengatiko aldi baterako ezgaitasun egoera sortuko da. Enpresari izaera hartzen duenak ordaindu beharko du prestazio ekonomikoa, GSLOren 52. XGn ezarritakoari jarraikiz.
