Accesos con Cl@ve a servizos da Sede Electrónica

A Sede Electrónica ofrece acceso aos servizos en liña a través de Cl@ve que é unha plataforma de verificación de identidades electrónicas para a identificación e autenticación dos cidadáns. 

Previamente debe rexistrarse no sistema Cl@ve:

• Rexistro de nivel básico:
  
• Solicite a carta de invitación que lle será enviada por correo postal ao seu domicilio fiscal. Completará o rexistro co código seguro de verificación  (CSV) que consta na carta.
           
• Rexistro de nivel avanzado:    
  • Con certificado electrónico ou DNIe
  • Por videochamada
  • Presencialmente en calquera Oficina de Rexistro Cl@ve.

Entre as súas modalidades de acceso atópase:

Cl@ve Permanente

Está baseado na validación do acceso a través do usuario e contrasinal. Para poder establecer este contrasinal, é necesario dispoñer dun Código de Activación. Este código obtense tras rexistrarse no sistema cun rexistro de nivel avanzado. 

Este sistema será ademais o que permitirá o acceso á sinatura na nube.

A través do servizo "Cl@ve: xestión de contrasinais" poderase crear, restablecer, ou modificar o contrasinal, así como darse de baixa para cancelar o usuario e contrasinal.

Unha vez establecido o contrasinal, o usuario identificarase co seu número de DNI ou NIE para acceder aos servizos con acceso "Usuario+contrasinal", "Cl@ve — Cl@ve permanente” en Cidadáns e en Empresas.

Cl@ve Móbil

É un sistema de acceso electrónico aos servizos públicos que permite ao cidadán autenticarse no trámite que estea a realizar na Sede Electrónica. O sistema ofrece a novidade de permitir escanear un código QR que evita ao usuario a necesidade de incorporar os seus datos identificativos na pantalla de acceso. Se non pode escanear o código QR poderá confirmar a petición de autenticación que lle chegará á APP Cl@ve.
Para poder utilizar Cl@ve Móbil é necesario rexistrarse previamente no sistema a través de Internet (rexistro nivel básico) ou presencialmente (rexistro nivel avanzado) en calquera Oficina de Rexistro Cl@ve. Para máis información sobre o proceso de rexistro e o seu uso pode consultar a páxina oficial de Cl@ve. Pode consultar a listaxe de servizos dispoñibles con acceso Cl@ve Móbil.