Contía

Se a persoa traballadora ingresase na empresa no mesmo mes da baixa médica, ou ben se inicie un novo contrato ese mes, para o cálculo da base reguladora tomarase a base de cotización correspondente aos días transcorridos desde o día de alta na empresa ou novo contrato ata o día anterior ao da baixa médica, inclusive, e dividirase polo número de días a que a devandita cotización se refira.

Se a persoa traballadora ingresase na empresa no mesmo día da baixa médica, ou ben se inicie un novo contrato ese día, para o cálculo da base reguladora tomarase a base de cotización correspondente ao día da baixa médica.

A base reguladora será a suma das bases de cotización de desemprego excluídas as horas extraordinarias, correspondentes aos últimos 180 días cotizados para esta prestación dentro dos 6 anos anteriores á extinción do contrato ou, se existe período de vacacións non gozadas -que ten que cotizar a empresa- ata a finalización desas vacacións.

Se non existe un período continuado de 180 días de bases de cotización para a prestación de desemprego, podemos buscalas dentro dos 6 últimos anos ata completar eses 180 días. Se non se chegan a completar 180 días, tómanse as bases localizadas e divídense entre o número de días a que se refira esa cotización.

O pago asumirao a entidade que protexa a IT (INSS, Mutua ou empresa), desde o día seguinte á extinción da relación laboral/finalización do período de vacacións aínda que non se alcanzase o 16º día da baixa.

Débese realizar un dobre cálculo:

1. Por un lado, os días de vacacións pendentes de gozar coma se estivese a percibir a prestación en réxime de pagamento delegado.
   
   
2. Por outro, a partir do día de finalización do período de vacacións retribuídas e non gozadas, calcúlase a prestación de idéntica forma aos supostos de extinción.
   

Esta situación considérase asimilada á alta sempre que exista unha cotización posterior á extinción do contrato por parte da empresa. Como a prestación por desemprego non se recoñece ata que finalice ese período e este tense en conta para determinar o nacemento e duración da prestación, no cálculo da base reguladora terase en conta a cotización desas vacacións.

Habería que distinguir:      

Se é recaída dun proceso anterior cando o traballador estaba en activo: o importe da IT será igual ao que estaba a percibir durante o desemprego. Aplicaráselle a mesma porcentaxe que tiña a prestación por desemprego nese momento. 

Se non é recaída dun proceso anterior: abóase a prestación ao aplicar o 80% do índice público de rendas de efectos múltiples (IPREM) excluída a parte proporcional das pagas extraordinarias. Non se ten en conta a base reguladora que teña o traballador nin a súa situación familiar.

Se se trata dun traballador a tempo parcial, o 80% minórase coa porcentaxe de cotización que aplicara o SPEE no cálculo da prestación por desemprego.

A base reguladora durante a IT  mantense inalterable  agás que se incremente  a base mínima de cotización ou se modifique a base de cotización que serviu de base á base reguladora desta prestación como consecuencia de incrementos retributivos ou similares que teñan eses efectos retroactivos.