Zenbatekoa

Langilea baja medikoaren hilabete berean sartu bada enpresan, edo hilabete horretan beste kontratu bat hasi badu, oinarri arautzailea kalkulatzeko, enpresan alta eman zaion egunetik edo kontratu berria egin den egunetik baja medikoaren egunaren bezpera arte igarotako egunei dagokien kotizazio-oinarria hartuko da, egun horiek barne, eta kotizazio horrek hartzen dituen egunen kopuruarekin zatituko da.

Langilea baja medikoaren egun berean sartu bada enpresan, edo egun horretan beste kontratu bat hasten badu, oinarri arautzailea kalkulatzeko baja medikoaren egunari dagokion kotizazio-oinarria hartuko da kontuan.

Oinarri-arautzailea langabeziako kotizazio-oinarrien gehiketa izango da, aparteko orduak kanpo, prestazio honetarako kontratua eten aurreko 6 urteetan kotizatutako azken 180 egunei dagokiena edo, gozatu gabeko oporraldirik bada - enpresak kotizatu beharrekoa- opor horiek bukatu arte.

Langabeziako prestaziorako kotizazio-oinarrien180 eguneko epe jarraiturik ez bada, azken 6 urteetan bila ditzakegu 180 egun horiek bete arte. 180 egun bete ezean, lokalizatutako oinarriak hartuko dira eta kotizazio horri dagokion egunen zenbatekoarekin zatituko dira.

Ordainketa LI babesten duen erakundeak hartuko du bere gain (GSIN, Mutua edo enpresa), lan-harremana eten edo oporraldia amaitu hurrengo egunetik aurrera, nahiz eta bajaren 16. egunera ez ailegatu.

Kalkulu bikoitza egin behar da:

1. Alde batetik, gozatzeke diren opor-egunak ordainketa eskuordetu erregimenean prestazioa jasotzen balego bezala.
   
   
2. Beste aldetik, gozatzeke diren ordaindutako oporraldia amaitzen den egunetik aurrera, prestazioa iraungitze kasuen modu berean kalkulatuko da.
   

Enpresaren aldetik kontratua iraungi zen ondoren kotizaziorik bada, egoera hau altarekin parekatutakotzat joko da. Langabeziagatiko prestazioa aipatu epea amaitu arte aitortzen ez denez eta berau prestazioaren sorrera eta iraupena zehazteko aintzat hartzen denez, oinarri arautzailea kalkulatzeko opor horien kotizazioa hartuko da kontuan.

Desberdindu beharko dira:      

Aurreko prozesu baten gaixoberritzea bada langilea aktibo zenean: ABEren zenbatekoa langabezian zenean jasotzen zuena bestekoa izango da. Une horretan langabeziagatiko prestazioak zuen ehuneko bera aplikatuko zaio. 

Aurreko prozesu baten gaixoberritzea ez bada: Prestazioa Efektu Anitzeko Errenten Adierazle Publikoen %80 aplikatuta ordainduko da (EAEAP) ezohiko pagen zati proportzionala alde batera utzita. Langilearen oinarri arautzailea eta bere familia- egoera ez dira kontuan hartuko.

Lanaldi partzialeko langilea bada, %80 hori langabeziako prestazioaren kalkuluan EEZPk aplikatu kotizazioaren ehunekoan gutxituko da.

ABEn  oinarri arautzailea aldaezina da   gutxieneko kotizazio-oinarria handitzen ez bada edota atzeraeraginezko efektuko ordainsarien gehikuntzaren edo parekoen ondorioz, prestazio honen oinarri arautzailearen oinarria izan zen kotizazio-oinarria aldatzen ez bada.