Actualización

De acordo co establecido no Real decreto 316/2025, do 15 de abril, sobre limitación da contía inicial das pensións públicas e revalorización das pensións do sistema da Seguridade Social, das pensións de Clases Pasivas do Estado e doutras prestacións sociais públicas para o exercicio 2025, as pensións extraordinarias de Clases Pasivas orixinadas en actos terroristas están exentas das normas excluíntes ou limitativas contempladas nas normas de actualización das pensións públicas.

No suposto de que, xunto con algunha das pensións mencionadas no parágrafo anterior, determinada persoa tivese dereito a percibir a 31 de decembro de 2024 algunha ou algunhas outras pensións públicas, as normas excluíntes ou limitativas, antes citadas, si serán aplicables respecto destas últimas.

A actualización das pensións de Clases Pasivas para 2025 practicarase de oficio, con efectos económicos do 1 de xaneiro de 2025, pola Dirección Xeral de Ordenación da Seguridade Social.

Levarase a cabo tendo en conta os datos obrantes respecto de cada titular de pensión a 31 de decembro de 2024.

A actualización terá carácter provisional ata que a Administración comprobe a procedencia da percepción da súa contía, en función das outras percepcións do titular dunha pensión ou pensións e das normas en materia de concorrencia e incompatibilidade que resulten aplicables en cada caso.

Se da elevación a definitiva da revalorización anteriormente practicada se obtivese a evidencia de que se percibiron cantidades en exceso, o pensionista verase obrigado a reintegrar o indebidamente percibido. Sen prexuízo do anterior, no suposto de que o interesado cometese na súa declaración falsidade ou omisión de datos, poderán serlle esixidas as correspondentes responsabilidades en que puidese incorrer.

A aplicación do incremento axustarase ás seguintes regras:

1. Aplicarase ás pensións causadas con anterioridade ao 1 de xaneiro de 2025 sobre a contía mensual íntegra que percibise ou lle correspondese percibir ao seu titular a 31 de decembro de 2024.
2. O importe da pensión ou do conxunto de pensións aboadas con cargo ao crédito de Clases Pasivas que perciba un mesmo titular, unha vez aplicado o incremento procedente a cada unha delas, estará limitado á cantidade de 45.695,16 euros íntegros anuais, comprendéndose na devandita cantidade tanto o importe das mensualidades ordinarias como o das pagas extraordinarias que puidesen corresponder.

Nas pensións de viuvez, os incrementos por fillos non se computarán, en ningún caso, para efectos da aplicación do límite máximo de percepción establecido no parágrafo anterior.

En aplicación do establecido no Real decreto 316/2025, do 15 de abril, sobre limitación da contía inicial das pensións públicas e revalorización das pensións do sistema da Seguridade Social, das pensións de Clases Pasivas do Estado e doutras prestacións sociais públicas para o exercicio 2025, non experimentarán incremento algún as seguintes pensións de Clases Pasivas:

1. As recoñecidas a favor dos Camiñeiros do Estado e causadas con anterioridade ao 1 de xaneiro de 1985, con excepción daquelas cuxo titular só percibise esta pensión por tal condición.
2. As pensións das Mutualidades integradas no Fondo Especial da Mutualidade Xeral de Funcionarios Civís do Estado que, a 31 de decembro de 2024, alcanzasen xa as contías correspondentes ao 31 de decembro de 1073.

De conformidade co Real Decreto 316/2025, de 15 de abril, sobre limitación da contía inicial das pensións públicas e revalorización das pensións do sistema da Seguridade Social, das pensións de Clases Pasivas do Estado e doutras prestacións sociais públicas para o exercicio 2025, a actualización das pensións aboadas por Clases Pasivas aplicarase ao importe mensual que tivese a pensión de que se trate a 31 de decembro de 2024, unha vez aplicada a desviación do Índice de Prezos ao Consumo, alcanzando unha actualización do 2,8 por cento.