Delituen biktimentzako laguntzak

Abenduaren 11ko 35/1995 Legeak laguntza publikoen sistema bat ezartzen du Espainian heriotza, lesio larriak edo osasun fisiko edo mentalean kalte larriak eragin dituzten dolozko eta indarkeriazko delituen zuzeneko edo zeharkako biktimentzat. Era berean, sexu-indarkeriaren eta genero-indarkeriaren biktimen aldeko laguntzak aurreikusten dira, indarkeriarik gabe egiten badira ere.

Laguntza horiek eskatzeko epea urtebetekoa da, delitu-egitatea gertatu zen egunetik zenbatzen hasita, salbu eta 1/2004 Lege Organikoaren 23. artikuluaren arabera genero-indarkeriaren biktima bada edo 10/2022 Lege Organikoaren 37. artikuluaren arabera sexu-indarkeriaren biktima bada; kasu horietan epea bost urtekoa izango da. Hala ere, epe hori eten egiten da prozesu penala hasten denean, eta berriro irekitzen da prozesu horri amaiera ematen dion ebazpen judizial irmoa ematen denetik.