Compatibilidad e incompatibilidad en su percibo

Non obstante, no citado artigo 5 da Lei 35/1995 e no artigo 19 do Regulamento de aplicación establécese que a percepción das axudas será incompatible con:

• A indemnización por danos e prexuízos causados polo delito establecida mediante sentenza. Se por insolvencia parcial do responsable do delito só se percibise parte da indemnización fixada na sentenza, poderá aboarse a axuda total ou parcialmente, sen que -computada a parte de indemnización percibida- se supere o importe fixado na resolución xudicial.
  
• A indemnización e axuda económica de seguros privados: Se a sentenza fixase como indemnización unha cantidade superior á percibida polo seguro, caberá o aboamento total ou parcial da axuda co límite máximo da conta sinalada na sentenza.
  
• A axuda por incapacidade temporal co subsidio que corresponda pola devandita situación nun réxime público de Seguridade Social.
  

Así mesmo, a Disposición adicional segunda da Lei sinala que as axudas non serán compatibles en ningún caso cos resarcimentos por danos ás vítimas de bandas armadas e elementos terroristas, que se recoñezan conforme á súa lexislación específica.

Nos casos en que o falecemento dun menor ou incapacitado xerase axudas por falecemento e gastos funerarios, os pais ou titores que tivesen dereito á axuda por falecemento non poderían percibir a de gastos funerarios (artigo 6.1 do Regulamento).