Compatibilidad e incompatibilidad en su percibo

Hala ere, 35/1995 Legearen 5. artikuluan eta aplikatu beharreko Erregelamenduaren 19. artikuluan ezartzen denez, laguntzak jasotzea bateraezina izango da honako hauekin:

• Delituak eragindako kalte-galeren ordaina, epai bidez ezarritakoa. Delituaren erantzulearen kaudimengabezia partzialagatik epaian finkatutako kalte-ordainaren zati bat bakarrik jasotzen bada, laguntza osorik edo zati batean ordaindu ahal izango da, baina jasotako kalte-ordainaren zatia zenbatuta, ez da ebazpen judizialean ezarritako zenbatekoa gaindituko.
  
• Aseguru pribatuen kalte-ordaina eta laguntza ekonomikoa: Epaiak kalte-ordain gisa finkatzen badu aseguruak jasotakoa baino zenbateko handiagoa, laguntza osorik edo zati batean ordaindu ahal izango da, epaian adierazitako kontuaren gehieneko mugarekin.
  
• Aldi baterako ezintasunagatiko laguntza, egoera horrengatik Gizarte Segurantzako araubide publiko batean dagokion sorospenarekin.
  

Era berean, Legearen bigarren xedapen gehigarriak adierazten du laguntzak ez direla inola ere bateragarriak izango banda armatuen eta elementu terroristen biktimei eragindako kalteengatik dagokien legeria espezifikoaren arabera aitortzen diren ordainekin.

Adingabe edo ezgaitu baten heriotzak heriotzagatiko laguntzak eta hileta-gastuak sortu baditu, heriotzagatiko laguntza jasotzeko eskubidea duten gurasoek edo tutoreek ezin izango dute hileta-gastuen laguntza jaso (Erregelamenduaren 6.1 artikulua).

35/1995 Legearen 5. artikuluaren arabera, laguntzak bateragarriak dira onuradunek jasotzen dituzten pentsio publikoekin. Gainera, eskubide hauek ere izan daitezke aldi berean:

Aldi baterako ezintasunerako eta ezintasun iraunkorrerako laguntzak.
Sexu- edo genero-indarkeriek osasun mentalean eragindako kalteak eta aldi baterako ezintasunagatiko edo ezintasun iraunkorragatiko laguntzak.