Clases de ayudas

Os pais ou titores do menor ou do incapaz que faleza como consecuencia directa do delito terán dereito ao resarcimento dos gastos funerarios (velorio, transporte, incineración ou enterramento), co límite máximo de cinco mensualidades do IPREM.

EN NINGÚN CASO O IMPORTE DA AXUDA PODERÁ SUPERAR A CUANTÍA DA INDEMNIZACIÓN FIXADA POR SENTENZA.

Cando a vítima sufra danos na súa saúde mental, o importe da axuda, conforme á modificación introducida pola Lei Orgánica 10/2022, de 6 de setembro, sufragará a reparación económica dos danos e prexuízos sufridos, debendo ser avaliados, polo menos, os seguintes conceptos:

a) O dano físico e mental, incluído o dano á dignidade, a dor, o sufrimento e a angustia emocional.

b) A perda de oportunidades, incluídas as oportunidades de educación, emprego e prestacións sociais.

c) Os danos materiais e a perda de ingresos, incluído o lucro cesante.

d) O dano social, incluída a exclusión da familia ou comunidade.

e) O tratamento terapéutico, social e de saúde sexual e reprodutiva libremente elixido pola vítima, na contía máxima que regulamentariamente se determine.

f) As actividades domésticas e de coidados non remunerados.

Esta avaliación e a súa cuantificación no importe da axuda está pendente de desenvolvemento regulamentario, polo que ata que non se leve a cabo, as axudas tramitaranse conforme á redacción anterior da norma, consistindo no abono dos gastos do tratamento terapéutico libremente elixido pola vítima, cun máximo de cinco mensualidades do IPREM.

Nos casos de morte, a cantidade a percibir calcúlase aplicando sobre o tope de 120 mensualidades do IPREM, coeficientes correctores establecidos, en función dos ingresos do beneficiario ou beneficiarios e do número de persoas dependentes da vítima. Cando concorran varios beneficiarios a cantidade da axuda repartirase conforme ás seguintes regras:

• Se concorren cónxuxe e fillos: a axuda divídese en dúas metades, correspondendo unha ao cónxuxe e a outra aos fillos, que a repartirán por partes iguais.
  
• Se só concorren fillos: dividirán a axuda por partes iguais.
  
• Se son beneficiarios os pais do falecido, distribuirán a cantidade correspondente por partes iguais. Se só houbese un pai con dereito á axuda percibiraa integramente.

No suposto de que a afectada sexa vítima de violencia de xénero de acordo co artigo 23 da Lei Orgánica 1/2004 ou vítima de violencias sexuais conforme ao artigo 37 da Lei Orgánica 10/2022, o importe da axuda calculado de acordo co establecido nos puntos anteriores incrementarase nun 25 %.

Nos casos de morte, a axuda será incrementada nun 25 % para beneficiarios fillos menores de idade ou maiores respecto dos que se establecesen xudicialmente medidas de apoio.

• Incapacidade temporal

Cando se produza unha situación de incapacidade por un tempo superior a seis meses, tense dereito a percibir unha axuda equivalente ao dobre do Indicador Público de Renda de Efectos Múltiples (IPREM) diario durante o tempo en que o afectado se atope en tal situación, despois de transcorridos os seis primeiros meses, cunha extensión máxima de 18 meses prorrogables a 30 en certos supostos.

• Lesións invalidantes

A cantidade a percibir calcúlase aplicando, sobre uns topes máximos, coeficientes correctores en función da situación económica da vítima e do número de persoas que dependan economicamente dela. Os topes máximos segundo o grao de incapacidade son os seguintes:

• Incapacidade permanente parcial ou discapacidade do 33 ao 44 %: 40 mensualidades do IPREM.
  
• Incapacidade permanente total ou discapacidade do 45 ao 64 %: 60 mensualidades do IPREM.
  
• Incapacidade permanente absoluta ou discapacidade de máis do 65 %: 90 mensualidades do IPREM.
  
• Grande incapacidade ou discapacidade de máis do 75 % con axuda de terceira persoa: 130 mensualidades do IPREM.
  

Durante 2025 o valor mensual do IPREM é:

• desde 1-1-2025: 600 euros