Xubilación ou retiro por incapacidade/inutilidade permanente para o servizo

Declarase, de oficio ou a instancia de parte, cando o interesado veña afectado por una “lesión ou proceso patolóxico, somático ou psíquico que estea estabilizado e sexa irreversible ou de remota ou incerta reversibilidade, que lle imposibilite totalmente para o desempeño das funcións propias do seu Corpo, Escala, praza ou carreira” (artigo 28.2.c) do Texto Refundido da Lei de Clases Pasivas).

A pensión de xubilación ou retiro por incapacidade/inutilidade permanente para o servizo calcúlase igual que a pensión ordinaria de xubilación ou retiro por idade, coa particularidade de que cando aquela se produce estando o funcionario en servizo activo ou situación equiparable, consideraranse como servizos efectivos, ademais dos acreditados ata ese momento, os anos completos que resten ao funcionario para cumprir a idade de xubilación ou retiro, entendéndose estes como prestados no Corpo, Escala, praza, emprego ou categoría en que figure adscrito no momento en que se produza o cesamento por xubilación ou retiro.

Non obstante a partir do 1 de xaneiro de 2009, cando no momento de producirse o feito causante, o interesado acredite menos de vinte anos de servizos e a incapacidade non lle inhabilite para toda profesión ou oficio, a contía da pensión ordinaria de xubilación, calculada segundo se indica no parágrafo anterior reducirase nun 5 % por cada ano completo de servizo que lle falte ata cumprir os 20 anos de servizo, cun máximo do 25 % para quen acredite 15 ou menos anos de servizos. Se con posterioridade ao recoñecemento da pensión e antes do cumprimento da idade de xubilación ou retiro se producise un agravamento da enfermidade ou lesións do interesado de maneira que lle inhabilitasen para o desempeño de toda profesión ou oficio, poderá solicitar o incremento da contía da pensión ata o 100 por 100 da que lle correspondese.