Información Xeral

As persoas incluídas no Réxime Especial dos Traballadores do Mar son suxeitos obrigados a cotizar, no de traballadores por conta allea o empresario e o traballador, respecto do de traballadores por conta propia será o mesmo traballador por conta propia. 

1. As persoas traballadoras comprendidas neste Réxime Especial da Seguridade Social clasificaranse, para os efectos de cotización, en tres grupos:

a) No primeiro grupo incluiranse:

• 1.º As persoas traballadoras por conta allea ou asimiladas retribuídas a salario que realicen algunha das actividades enumeradas no artigo 3.
• 2.º As persoas traballadoras por conta propia que realicen algunha das actividades enumeradas no artigo 4 agás que proceda a súa inclusión noutro grupo.
• 3.º As persoas traballadoras por conta allea ou asimiladas e as persoas traballadoras por conta propia ou armadores, retribuídos á parte, que exerzan a súa actividade pesqueira a bordo de embarcacións de máis de 150 toneladas de rexistro bruto (TRB).

b) No segundo grupo, que se subdivide á súa vez en dous, incluiranse:

• 1.º Grupo segundo A: As persoas traballadoras por conta allea e por conta propia ou armadores, retribuídos á parte, que exerzan a súa actividade pesqueira a bordo de embarcacións comprendidas entre 50,01 e 150 TRB, enrolados nestas como técnicos ou tripulantes.
• 2.º Grupo segundo B: As persoas traballadoras por conta allea e por conta propia ou armadores, retribuídos á parte, que exerzan a súa actividade pesqueira a bordo de embarcacións comprendidas entre 10,01 e 50 TRB, enrolados nestas como técnicos ou tripulantes.

c) No grupo terceiro incluiranse:

• 1.º As persoas traballadoras por conta allea retribuídas á parte, que exerzan a súa actividade pesqueira a bordo de embarcacións que non excedan de 10 TRB, enroladas nestas como técnicos ou tripulantes.
• 2.º As persoas traballadoras por conta propia como mariscadores, percebeiros, recolledores de algas e análogos, mergulladores extractores de recursos mariños, redeiros e redeiras e armadores que exerzan a súa actividade pesqueira a bordo de embarcacións de ata 10 TRB, estando enrolados nestas como técnicos ou tripulantes.

2. Para estar incluído no grupo segundo ou terceiro como persoa traballadora por conta propia, os ingresos obtidos de tales actividades deberán constituír o seu medio fundamental de vida, aínda cando con carácter ocasional ou permanente realicen outros traballos non especificamente marítimo-pesqueiros determinantes ou non da súa inclusión en calquera outro dos réximes do sistema da Seguridade Social.

3. O sistema de retribución adoptado, a salario ou á parte, vinculará por igual todos os membros da tripulación, incluído o armador.

-A obriga de cotizar nace dende o mesmo momento do inicio da prestación do traballo, incluído o período de proba e extínguese, respecto dos traballadores por conta allea, pola finalización do traballo na empresa ou, no seu caso, polo cesamento na actividade do traballador por conta propia.

Neste Réxime Especial, as cotas a ingresar veñen determinadas polas bases de cotización.

A base de cotización está constituída polas remuneracións efectivamente percibidas polo traballador, con algunhas peculiaridades respecto ao seu cálculo, en función do Grupo ao que pertenza o traballador:

• O Grupo I: En iguais condicións que o Réxime Xeral 

• Nos Grupos II e IIIl, a cotización para todas as continxencias e situacións protexidas neste Réxime Especial dos Traballadores do Mar incluídos nos grupos segundo e terceiro a que se refire o artigo artigo 10.1 da  Lei 47/2015, do 21 de outubro, reguladora da protección social das persoas traballadoras do sector marítimo-pesqueiro, efectuarase sobre as remuneracións que se determinen anualmente mediante Orde do Ministerio de Emprego e Seguridade Social, por proposta do Instituto Social da Mariña, oídas as organizacións representativas do sector. Tal determinación efectuarase por provincias, modalidades de pesca e categorías profesionais, sobre a base dos valores medios de remuneración percibida no ano precedente.

  As bases que se determinen serán únicas, sen que se tomen en consideración os topes mínimos e máximos previstos para as restantes actividades. Non obstante, estas bases non poderán ser inferiores ás bases mínimas que se establezan, para as distintas categorías profesionais.

  Á base de cotización por continxencias comúns aplícanselle os seguintes coeficientes correctores:

  • Grupo II A: 2/3.
  • Grupo II B: 1/2.
  • Grupo III: 1/3.

  Á base de cotización por desemprego e protección por cesamento aplícaselles igualmente os mesmos coeficientes correctores que os establecidos para continxencias comúns.

  As contías das bases de cotización pódense consultar no Anexo de Bases de Cotización.

  Condicións e requisitos xerais: igual que no Réxime Xeral da Seguridade Social.

  Tramitación: Direccións Provinciais e Locais do ISM.

O Instituto Social da Mariña é o Organismo colaborador coa Tesourería Xeral da Seguridade Social no desempeño da función recadatoria dentro do sector marítimo-pesqueiro.

Neste sentido, son suxeitos responsables do ingreso das cotas:

• O empresario é o responsable do ingreso da súa propia achega e da dos seus traballadores.
• O traballador por conta propia é o responsable das súas cotizacións.

Documentación a presentar:

• TC-1/16 Boletín de cotización para os Grupos I, II e III traballadores por conta allea.
• TC-2/5 Relación nominal de traballadores.

Condicións e requisitos xerais: igual que no Réxime Xeral da Seguridade Social.

Tramitación: Direccións Provinciais e Locais do Instituto Social da Mariña">ISM.