Aviso Cookies

Este sitio web utiliza cookies para que vostede teña unha mellor experiencia de usuario. As cookies non se utilizan para recoller información de carácter persoal. Para máis información consulte a nosa política de cookies.

Valore esta página
Valore este contenido

Efectos

Con carácter xeral, os efectos das altas serán:

  • As altas presentadas con carácter previo á prestación dos servizos unicamente producirán efectos, en orde aos dereitos e obrigacións inherentes a esta situación, a partir do día en que se inicie a actividade.

  • As altas presentadas fóra de prazo só terán efectos dende o día en que se formule a solicitude, agás que se producise ingreso de cotas en prazo regulamentario; neste caso a alta retrotraerá os seus efectos á data en que se ingresasen as primeiras cotas correspondentes ao traballador de que se trate.

  • As altas practicadas de oficio polas Direccións Provinciais da Tesourería Xeral da Seguridade Social ou as Administracións, retrotraerán os seus efectos á data en que os feitos que as motiven fosen coñecidos por unhas ou outras.

Con carácter xeral, os efectos das baixas:

  • A baixa do traballador producirá efectos dende o cesamento na prestación dos servizos por conta allea, na actividade por conta propia ou, se é o caso, na situación determinante da súa inclusión no Réxime de que se trate.

  • A solicitude de baixa do traballador extinguirá a obriga de cotizar dende o cesamento no traballo.

  • Se a baixa se solicita fóra de prazo a obriga de cotizar extinguirase o día en que a Tesourería Xeral da Seguridade Social coñeza o cesamento no traballo por conta allea, ou na actividade por conta propia.

  • Cando a Tesourería Xeral da Seguridade Social curse a baixa de oficio, a obriga de cotizar extinguirase dende o mesmo día en que se levase a cabo a actuación inspectora, ou se recibisen os datos ou documentos que acrediten o cesamento no traballo.

  • Non obstante o disposto nos apartados anteriores, os interesados poderán probar por calquera dos medios admitidos en dereito, que non se iniciou a actividade na data notificada ao solicitar a alta ou que o cesamento na actividade, na prestación de servizos ou na situación de que se trate, tivo lugar noutra data, a efectos da extinción da obriga de cotizar, sen prexuízo, se é o caso, dos efectos que deban producirse tanto no que se refire á devolución das cotas que resulten indebidamente ingresadas como respecto do reintegro das prestacións que resulten indebidamente percibidas, agás que por aplicación da prescrición non fose esixible nin a devolución nin o reintegro.
Complementary Content
${loading}