Trámites e Xestións de Convenios Especiais

A través da Sede Electrónica da Seguridade Social, permítese solicitar por Rexistro electrónico:

• A alta dun convenio especial coa Seguridade Social, ao cubrir o formulario electrónico (que substitúe o modelo TA.0040).
• A baixa dun convenio especial subscrito coa Seguridade Social, ao cubrir o formulario electrónico (que substitúe o modelo TA.0040).
• A variación de datos, reanudación ou suspensión dun convenio especial subscrito coa Seguridade Social, ao cubrir o formulario electrónico (que substitúe o modelo TA.0040).

Para acceder a este servizo requírese certificado dixital, DNI electrónico ou Cl@ve Permanente.

A través de IMPORTASS, apartado “Enviar unha solicitude”, seleccionando a categoría “convenios especiais”, permítese solicitar a alta, a baixa, a variación de datos, reanudación ou suspensión dun convenio especial, en caso de non dispoñer dos medios de identificación indicados anteriormente. 

Para acceder a este servizo requírese a achega de copia de ambas as dúas caras do seu DNI/NIE e un selfie coa cara dianteira do documento identificativo.

A través da Sede Electrónica da Seguridade Social, permítese solicitar por Rexistro electrónico, tanto a modificación da base de cotización dun convenio especial subscrito coa Seguridade Social, coma a solicitude ou renuncia ao incremento na base de cotización deste, en función do establecido na Orde que regule o convenio.

Para acceder a este servizo requírese certificado dixital, DNI electrónico ou Cl@ve Permanente.

A través de IMPORTASS, no apartado “enviar unha solicitude”, seleccionando a categoría “convenios especiais” en caso de non dispoñer dos medios de identificación indicados anteriormente.

Para acceder a este servizo requírese a presentación de copia de ambas as dúas caras do DNI/NIE e un selfie coa cara dianteira do documento identificativo.

Respecto ás solicitudes formuladas a través dos servizos de Rexistro Electrónico da Sede electrónica da Seguridade Social, se precisa consultar o seu estado de tramitación, achegar nova documentación relacionada coas mesmas ou se precisa contestar un requirimento que lle dirixiu a Seguridade Social, pode acceder ás canles do Rexistro electrónico.

Respecto ás solicitudes que formulase a través de IMPORTASS, pode consultar o seu estado ou completar estas, a través dos servizos dispoñibles para iso indicados ao final da pantalla de inicio do Portal da Tesouraría Xeral da Seguridade Social.

A través da Sede Electrónica da Seguridade Social, permítese solicitar, por Rexistro electrónico, o reintegro total ou parcial das cotas ingresadas por erro nos termos e supostos fixados regulamentariamente no Réxime Xeral e Asimilados.

Para acceder a este servizo requírese certificado dixital, DNI electrónico ou Cl@ve Permanente.

A través de IMPORTASS, servizo “Consulta de pagamentos e débedas”, seleccionando a categoría “Devolución de ingresos de réximes e sistemas especiais” en caso de non dispoñer dos medios de identificación indicados anteriormente.

Para acceder a este servizo requírese a presentación de copia de ambas as dúas caras do DNI/NIE e un selfie coa cara dianteira do documento identificativo.

A través do servizo de autocálculo pode realizar, dende o seu ordenador, o cálculo aproximado da contía á que ascenderá a cota do convenio especial ao que quere subscribirse.

A través da Sede Electrónica da Seguridade Social, os que sexan responsables do pagamento das cotas de convenios especiais poderán solicitar a domiciliación do pagamento das cotas de Seguridade Social na entidade financeira da súa elección ou o cambio da conta bancaria.