Telefonozko arreta zerbitzua

• Lurralde nazional osoan balio duen telefonoa da. Arreta zuzena eta pertsonalizatua ematen da astelehenetik ostiralera (jaiegunak ez badira) 9:00etatik 20:00etara, ordutegi jarraituan.

• Hau eskaintzen da arreta eta informazio zerbitzu espezializatu honetan:

  • Gizarte Segurantzaren Sistemako prestazioak jasotzen hasteko edo horiek mantentzeko baldintzei, prestazio horien eskaerei, dokumentazioari, prozesuei eta beharrezkoak diren izapideei buruzko informazioa, eta kasu bakoitzean aplikatzen den araudia.

  • Gizarte Segurantzaren Egoitza Elektronikoan eta webgunean eskaintzen diren zerbitzu elektronikoen erabileraren gaineko orientazioa eta laguntza.

  • Espedienteak izapidetzeari eta onartutako prestazioei buruzko informazio zehatza eta bereizia: emandako ebazpena, lehen ordainketak, errebalorazioa, gutxienekoagatiko osagarriak, bateraezintasunak eta pentsioen konkurrentzia, aldaerak eta eraldaketak eta zenbatekoak.

  • Zerbitzu honen bitartez, Europako Osasun Txartela eska daiteke. Ohiko posta bidez bidaliko da Gizarte Segurantzaren fitxategian ageri den helbidera.

  • Horrez gain, GSIN-i dagokion kudeaketarekin zerikusia duen Gizarte Segurantzaren arloko edozein gairi buruzko informazioa eskura daiteke bertan.

  • Kalitate eta segurtasun arrazoiak direla eta, deia grabatu ahal izango da. Sarbide, zuzenketa, baliogabetze eta aurkaratze eskubideak Gizarte Segurantzako Institutu Nazionalaren Idazkaritza Nagusiaren aurrean erabil daitezke, Padre Damián, 4-6, 28036 Madril.

• Pentsioekin eta Gizarte Segurantzaren beste prestazio ekonomiko batzuekin zerikusia duten izapideak egiteko aurretiko hitzordua automatikoki kudeatzeko telefonoa da.
• Astelehenetik igandera, 00:00etatik 24:00etara, etenik gabeko ordutegia duen zerbitzu honekin, hitzordua lortu ahal izango duzu CAISSetan (Gizarte Segurantzaren arreta- eta informazio-zentroetan).
• Hitzordua lortzeko, ahoz erantzun behar da edo telefonoaren teklak sakatu behar dira, elkarrizketaren urrats bakoitzean emandako jarraibideei jarraituz.
• Sistema automatikoak galdetuko du zein tramitetarako eskatu nahi duzun hitzordua, zein posta-kode erabili gertuen duzun bulegoa aurkitzeko, eta NAN edo AIZzenbakia.
• Ondoren, sistemak lehen hitzordua eskainiko dizu, eta, ados bazaude, berresteko eskatuko dizu. Ados ez bazaude, hurrengo batez alda dezakezu.
• Behin hitzordua lortuta, sistemak lokalizatzaile bat emango dizu.
• Zure NAN/AIZarekin eta lokalizatzailearekin hitzordu bat ezaba dezakezu aurretiko hitzorduaren zerbitzuan.
• Zerbitzu hau erabiltzeko gomendioak: zarata asko duen inguruneak zaildu egiten du sistemarekin elkar ulertzea.

Erabiltzailearentzako kosturik gabeko telefono-zenbaki bat da, eremu nazional guztirako. Horren bidez, informazio orokorra eta pertsonalizatua eskaintzen da Bizitzeko Gutxieneko Diru-sarrera (BGD) prestazioaren alderdi espezifikoei buruz, astelehenetik ostiralera (jaiegunetan ez), 09:00etatik 14:30era.

BGDko arreta- eta informazio-zerbitzu espezializatu honetan hau eskaintzen da:

• Prestazioa jasotzen hasteko edo hura mantentzeko eskakizunei, prestazioaren eskaerei, dokumentazioari, prozedurei eta beharrezkoak diren izapideei buruzko informazioa, eta kasu bakoitzean aplikatzen den araudia.
• Gizarte Segurantzaren Egoitza Elektronikoan eta webgunean eskaintzen diren BGDrekin erlazionatutako zerbitzu elektronikoen erabileraren gaineko orientazioa eta laguntza.
• Informazio espezifikoa eta partikularra espedienteak izapidetzeari eta onartutako BGDren prestazioei buruz: ebazten den unetik, indarrean dagoen bitartean dauden aldaerak eta aldaketak barne, baita mantentzeari lotutako izapideak eta komunikazioak ere.
• Kalitate- eta segurtasun-arrazoiak direla eta, litekeena da deia grabatzea. Sartzeko, zuzentzeko, ezeztatzeko eta aurka egiteko eskubideak Gizarte Segurantzako Institutu Nazionaleko Idazkaritza Nagusian erabil daitezke (Padre Damián, 4-6, 28036 Madril).