Asistencia sanitaria

• Asegurado: a persoa que ostente a condición de pensionista.
• Beneficiarios: os familiares que convivan co pensionista e ao seu cargo, sempre que cumpran os requisitos esixidos.

As prestacións sanitarias comprenden as seguintes modalidades:

• Prestacións farmacéuticas. 
• Atención primaria.
• Atención especializada.
• Atención de urxencia.
• Transporte sanitario e prestacións complementarias.
• Servizos de información e documentación sanitaria.

O recoñecemento do dereito á    asistencia sanitaria do pensionista e dos beneficiarios ao seu cargo efectúase polo INSS ,  mediante  a expedición de documento  que acredita o seu dereito,  que será notificado, con carácter xeral,  xunto coa resolución pola que se  lle recoñece a pensión.

Este documento terá validez en todo o territorio nacional, ante a Administración sanitaria autonómica  que, en cada caso, corresponda, tanto para a obtención da tarxeta sanitaria individual como para o acceso aos servizos sanitarios durante a tramitación e expedición da tarxeta.

É un documento "individual" e personalizado que acredita o dereito á asistencia sanitaria pública tanto do pensionista como dos beneficiarios.

Onde e como se obtén:

• No centro de saúde ou consultorio que corresponda ao domicilio do interesado.
• A solicitude dos interesados, presentando o documento que acredita a súa condición de pensionista a efectos de asistencia sanitaria da Seguridade Social, así como o DNI  do titular e dos beneficiarios maiores de 14 anos.

Inclusión de novos beneficiarios:

Antes de ir ao Centro de Saúde ou Consultorio para solicitar a tarxeta sanitaria individual do novo beneficiario, é preciso acudir ao INSS para que recoñeza o dereito a obter asistencia sanitaria da Seguridade Social.

A prestación dos servizos sanitarios é levada a cabo polos órganos competentes de cada Comunidade Autónoma e polas Direccións Provinciais do Instituto Nacional de Xestión Sanitaria nas cidades de Ceuta e Melilla.

Bandeira	Comunidade Autónoma	Bandeira	Comunidade Autónoma	Bandeira	Comunidade Autónoma	Bandeira	Comunidade Autónoma
	Andalucía		Castela-A Mancha		Galicia		Murcia
	Aragón		Castela e León		Illas Baleares		Navarra
	Asturias		Cataluña		A Rioxa		País Vasco
	Canarias		Ceuta		Madrid		Comunidade Valenciana
	Cantabria		Estremadura		Melilla

Nos seus desprazamentos por España, o pensionista e os beneficiarios do dereito á asistencia sanitaria:

• Deben ir provistos da tarxeta sanitaria individual.
• Teñen dereito a percibir, por parte do servizo de saúde da Comunidade Autónoma na que se encontre desprazado, as prestacións do Sistema Nacional de Saúde que puidese necesitar nas mesmas condicións e con idénticas garantías que os cidadáns residentes na devandita Comunidade Autónoma.