Baldintza hauek betetzen dituzten langabeei zuzendutako prestazio ekonomikoa da:

• Hilabetez enplegu-eskatzaile gisa inskribatuta egotea, enplegu-eskaintza egokiei muzin egin gabe eta sustapen, prestakuntza edo birmoldaketa profesionalerako ekintzetan parte hartzea ukatu gabe, justifikaturiko arrazoirik ez bada tartean.
• Indarrean den Lanbide Arteko Gutxieneko Soldataren % 75etik gorako errentarik ez izatea hilabetean, aparteko ordainsarien zati proportzionala alde batera utzita.

Gainera, prestazioaren onuradun direla egiaztatzeko egoera hauetakoren batean egon beharko dira.

• Langabeziagatik jasotzen zuten ordaindutakoaren araberako prestazioa agorturik duten eta familia erantzukizunak dituzten langileak.
• Itzulitako langile etorkinak.
• Langabeziagatiko prestazioa agorturik duten eta familia erantzukizunik ez duten 45 urtetik gorako langileak.
• 55 urtetik gorako langileak.
• Langabeziaren legezko egoera gertatzean, ordaindutakoaren araberako prestazioa jasotzeko gutxieneko kotizazio-epea bete ez duten langileak.
• Azterketa egin ostean, ohiko lanbidea burutzeko ezintasun handia nahiz ezintasun iraunkor erabateko edo totala hobetu dela behatzearen ondorioz, erabat gai edo ezintasun partzial gisa deklaratutako langileak.
• Espetxetik askatuak edo desintoxikatzeagatik kondena arindutakoak.

Informazio gehiago onuradunei buruz

• % 80 indarreko Eragin Anitzeko Errenten Adierazgarri Publikoa aintzat hartuz.

Informazio gehiago zenbatekoei buruz

• Itxarote-hilabetea amaitu osteko hurrengo egunetik, hala badagokio, hura amaitu eta hurrengo 15 egunen barruan eskatzen bada.
• Epez kanpo eskatzen bada, hala eskubidea nola  prestazioa eskaera egiten den unetik abiatzen dira.
• Iraupen luzeko langabeei zuzendutako subsidio berezia, prestazioa agortu eta hurrengo egunean abiatuko da.

Informazio gehiago epeei buruz

• Langabeziagatiko Subsidioaren Eskaera

• Subsidioaren eskaera eredu normalizatuan.
  
• Eskatzailearen, ezkontidearen eta bere ardurapean diren eta eskaeran agertzen diren seme-alaben identifikazioa, indarreko agiri original hauen bidez:
  
  
  • Espainiarrak: Nortasun Agiri Nazionala (D.N.I).
  • Espainian bizi diren atzerritarrak: Identifikaziorako: Atzerritarraren Nortasun Txartela (ANT ) edo jatorri herrialdeko nortasun agiria, baldin eta Europako Esparru Ekonomikoko kide den herrialde batekoa edo Suitzakoa bada. Edozein kasutan, Atzerritarren Identifikazio Zenbakia (NIE).
  • Familia-liburua, edo agiri baliokidea atzerritarren kasuan.
  • Adinduen eta Gizarte Zerbitzuen Institutuak (IMSERSO ) edo dagokion Autonomia Erkidegoan eskumena duen organoak igorritako ezintasun-maila, edo Gizarte Segurantzako Institutu Nazionalak (INSS), Ogasun edo Herri Administrazioetako edo Defentsako Ministerioarena, emandako ebazpena, pentsiodunari ezintasun iraunkor totala, erabatekoa edo elbarritasun handia, erretiroa edo zerbitzurako ezintasun iraunkorrak eragindako erretiroa edo ezintasuna aitortzekoa.
  • Harreraren formalizazioari dagokion ebazpen judiziala edo idatzia, lurralde bakoitzean adin txikikoen babesari dagokion eskuordetza duen Erakunde Publikoaren baimena eta harreraren indarraldiaren hasiera-data adierazita.
  • Epaia edota hitzarmen arautzailea, banaketa edo dibortzio kasuan.
    
• Beste kasu partikular batzuetarako kontsultatu dokumentazio gehigarri beharrezkoa.
  
• Beste edozein agiri , indarreko araudiaren arabera, Zentro honek eskatua: ISM.

Helbidez dagokizun Itsasoko Gizarte Institutuaren Zentroan edo interneten, SEPE zerbitzuaren gune elektronikoaren bidez, helbide honetan https://sede.sepe.gob.es/contenidosSede/generico.do?pagina=/sede_virtual/sv00A.html

• Prestazioaren iraupena.
• Eskubidea etetea.
• Eskubidea berrabiatzea.
• Eskubidea agortzea.
• Kotizazioa.