A continuación preséntase o procedemento xeral

¿Que é a incapacidade Temporal?

Situación da persoa traballadora mentres se encontre imposibilitada temporalmente para traballar e reciba asistencia sanitaria da Seguridade Social. Durante este período pódese percibir un subsidio diario que cobre a perda de rendas polas causas indicadas.

Cando se inicia?

• Por enfermidade común ou accidente non laboral, dende o 4º día da baixa.
• Por accidente de traballo ou enfermidade profesional e nas situacións especiais de IT debidas á interrupción do embarazo ou á xestación da muller traballadora dende o día seguinte ao da baixa.
• En caso da situación especial de IT por menstruación incapacitante secundaria, dende o primeiro día da baixa.
  

Que trámites e onde se deben realizar?

Dende o inicio ata o cumprimento dos 365 días da situación de IT:

• O Servizo Público de Saúde ou, se é o caso, as Mutuas Colaboradoras coa Seguridade Social, e as empresas colaboradoras, estenderán os partes médicos de baixa, de confirmación de baixa e alta.
• O Instituto Nacional da Seguridade Social (INSS) e, se é o caso, o Instituto Social da Mariña (ISM), a través dos seus inspectores médicos poden emitir a alta médica para todos os efectos.

Esgotados os 365 días de I.T.

• O INSS, a través da súa inspección médica, é o único competente para iniciar un expediente de Incapacidade Permanente, emitir a alta e emitir unha nova baixa médica se se produce no prazo de 180 días posteriores á alta médica por esta ou similar patoloxía.
  

Cal é a duración máxima da prestación?

Se é por enfermidade ou accidente 365 días prorrogables por outros 180, se durante este último período se prevé a súa curación.

Cando finaliza a prestación?

• Por transcurso do prazo máximo establecido.
• Por alta médica.
• Por pasar a ser pensionista.
• Por non presentarse aos recoñecementos.
• No suposto da semana trixésimo novena de xestación será ata a data do parto.