Seme-alaba baten jaiotza edo adopzioarengatiko prestazio ekonomikoko prozedura, familia ugarien, guraso bakarreko familien eta minusbaliotasuna duten amen kasuan

Hona hemen prozedura orokorra

Zer da seme-alaben jaiotza edo adopzioagatiko prestazioa, familia ugarietan, familia gurasobakarretan eta desgaitasuna duten amen edo aiten kasuan?

Ordainketa bakarreko familia-prestazio ez-kontributiboa da, eta aitortzen da 2007-11-16tik aurrera familia ugari batean, guraso bakarreko familia batean edo amak edo aitak 65 edo gehiagoko desgaitasuna duenean seme-alaba jaio edo adoptatzeagatik. Betiere prestazioa jaio edo adoptatu ondorengo bost urteetan eskatzen bada; bestela, preskripzio bidez ukatuko da.

Zer izapide egin behar dira?

Hauek aurkeztu beharko dira:

• Dagokion eskaera-eredua.
• Nortasuna eta eskubidea eragiten duten gertaerak egiaztatzeko beharrezkoak diren dokumentuak.

Non izapidetzen da?

Eskaera eta eskatutako dokumentazioa Gizarte Segurantzaren egoitza elektronikoaren bidez aurkeztu ahal izango dira, baldin eta ziurtagiri digitala edo cl@ve iraunkorra badute. Identifikazio elektronikorako sistemarik ez baduzu, Gizarte Segurantzaren Prestazioen Eskaera eta Izapideak plataformaren bidez, posta arruntaren bidez edo Gizarte Segurantzako Arreta eta Informazio Zentro (CAISS) baten bidez egin dezakezu izapidea.

Prestazio ekonomikoa emateko eskubidea aintzatestea Gizarte Segurantzaren Institutu Nazionalari (GSIN) dagokio.

Zein da prestazioa eskatzeko epea?

Haur bat jaio edo adoptatu eta hurrengo egunetik aurrera eska daiteke.

Prestazio hori aitortzeko eskubidea bost urtera preskribatuko da, jaiotzaren edo adopzioaren hurrengo egunetik zenbatzen hasita.