• Os períodos de seguro acreditados en calquera dos dous países, antes da data de entrada en vigor do Convenio, serán tomados en conta para a determinación do dereito ás prestacións que se recoñezan ao seu amparo.
• As pensións que fosen concedidas por un ou  ambos os países ou os dereitos a prestacións ou rendas que fosen denegados ou suspendidos antes da entrada en vigor do convenio, serán revisadas ou restablecidas, a petición dos interesados, sempre que a solicitude de revisión ou de restablecemento dos dereitos se presente nun prazo máximo dun ano a partir da entrada en vigor do Convenio. Non obstante, non se revisarán as prestacións aboadas que consistisen nun pagamento único.
• A aplicación do convenio permite o exame do dereito a prestacións por continxencias que tivesen lugar con anterioridade á data da súa entrada en vigor, se ben, o aboamento destas non se efectuará en ningún caso por períodos anteriores a súa vixencia.
• O presente convenio garante os dereitos adquiridos ao abeiro do Convenio do 14 de abril de 1978.