Traballadores desprazados

Como norma xeral, os traballadores desprazados están sometidos á lexislación de Seguridade Social do país en cuxo territorio  estean a exercer a súa actividade laboral.  Agora ben, se se trata dun traslado temporal poden manter a lexislación española de Seguridade Social nos termos e requisitos que se indican a continuación:

Só se lles aplica aos traballadores españois ou chilenos.

Desprazamento inicial

Para os traballadores por conta allea que exercen a súa actividade nunha empresa española e que son desprazados por esta para realizar temporalmente a súa actividade en Chile e para os traballadores que exercen a súa actividade por conta propia en España e que se trasladen temporalmente para exercer a súa actividade en Chile, solicitarase, ante a Dirección Provincial da Tesourería Xeral da Seguridade Social ou administracións desta, a expedición do correspondente certificado de desprazamento.

Formulario que se debe tramitar

A empresa ou traballador por conta propia efectuarán a súa solicitude mediante o modelo TA.200   "Solicitude de mantemento da lexislación española de Seguridade Social.-Desprazamentos iniciais" e acompañarán o formulario E/CHL-1   "Certificación relativa á lexislación aplicable", cuberto en triplicado exemplar.

O formulario, expedido pola dirección provincial ou administración correspondente, certifica que o traballador continúa sometido á lexislación española de Seguridade Social durante o seu desprazamento nese país e, en consecuencia, está exento de cotizar á Seguridade Social chilena.

Ademais deben dispoñer do formulario de asistencia sanitaria expedido polo Instituto Nacional da Seguridade Social.

Período de autorización

O prazo máximo de duración do desprazamento é de tres anos.

Prórroga ordinaria

Se os traballadores por conta allea ou conta propia deben prolongar a súa estadía nese país máis alá dos tres anos inicialmente previstos, o empresario ou traballador deberá solicitar con suficiente antelación á finalización do período autorizado, a prórroga do mantemento da lexislación española de Seguridade Social ante a Subdirección Xeral de Afiliación e Procedementos Especiais da Tesourería Xeral da Seguridade Social.

Formulario que se debe tramitar

A solicitude de prórroga deberá efectuarse no modelo TA.202  "Solicitude de mantemento da lexislación española de Seguridade Social en aplicación do |art. 17 do Regulamento CEE  1408/71 e doutras prórrogas dos Convenios Bilaterais" e acompañaranse o formulario E/CHL-2  "Prórroga do desprazamento", cuberto en cuadriplicado exemplar, para a súa remisión ao outro país.

A expedición deste formulario pola Seguridade Social chilena acredita que o traballador continúa sometido á lexislación española de Seguridade Social durante o período nel autorizado.

Ademais deben dispoñer do formulario de asistencia sanitaria expedido polo Instituto Nacional da Seguridade Social.

Período de autorización

O prazo máximo da prórroga é de dous anos.

Outros desprazamentos

Direccións provinciais ou administracións da Tesourería Xeral da Seguridade Social

Serán os órganos competentes para autorizar os desprazamentos de:

• O persoal de voo das compañías aéreas con sede en España que exerce a actividade en ambos os países.
• A tripulación de buques con bandeira española.

A autorización expedirase a través do modelo E/CHL-1, "Certificación relativa á lexislación aplicable". A empresa, xunto a este formulario cuberto por triplicado, achegará a solicitude |TA -200.

Subdirección Xeral de Afiliación e Procedementos Especiais.

Para os desprazamentos de:

• Funcionarios españois destinados en Chile, excluídos os membros das misións diplomáticas e consulares.
• Persoas enviadas en misións de cooperación.

a Subdirección Xeral de Afiliación e Procedementos Especiais expedirá o formulario E/CHL-1  para toda a duración do desprazamento, a petición do Organismo Público ou do traballador. Xunto a este formulario, cuberto por triplicado, achegarase a solicitude TA-200.

Para os desprazamentos de:

• Españois que desempeñan a súa actividade nas misións diplomáticas ou oficinas consulares de España en Chile
• O persoal ao servizo privado dos representantes das misións ou oficinas citadas anteriormente

que opten pola lexislación española de Seguridade Social, a Subdirección Xeral de Afiliación e Procedementos Especiais da Tesourería Xeral expedirá o formulario E/CHL-3, "Exercicio do dereito de opción", para toda a duración do desprazamento, a petición do Organismo público ou do traballador, que o presentará en triplicado exemplar.

Outras excepcións

A tramitación das solicitudes doutras excepcións será xestionada pola Subdirección Xeral de Afiliación e Procedementos Especiais da Tesourería Xeral da Seguridade Social.

A empresa ou traballador por conta propia efectuarán a súa solicitude mediante o modelo TA.202  "Solicitude de mantemento da lexislación española de Seguridade Social en aplicación do art. 17 do Regulamento CEE 1408/71 e doutras prórrogas dos Convenios Bilaterais".

Dada a conformidade por parte da Seguridade Social de Chile, a Subdirección Xeral de Afiliación e Procedementos Especiais da Tesourería Xeral da Seguridade Social expedirá o formulario E/CHL.1, que acredita que o traballador continúa sometido á Seguridade Social española durante o período autorizado.

Ademais deben dispoñer do formulario de asistencia sanitaria expedido polo Instituto Nacional da Seguridade Social.