Hitzarmenean dauden prestazioak

Informazio orokorra:

Hitzarmena aplikatuko da:

Espainiari dagokionez

Gizarte Segurantzako Espainiako Sistemaren prestazio kontributiboei, funtzionario publiko zibil eta militarren araubideak kenduta, honako hauek:

• Aldi baterako ezintasunagatiko prestazioak gaixotasun arruntaren kasuetan eta lanez kanpoko istripu
• Amatasunagatiko eta haurdunaldiko arriskuagatiko prestazioak
• Ezintasun iraunkorreko prestazioak, erretirokoak, heriotzakoak eta biziraupenekoak
• Norberaren ardurapeko seme-alabagatiko familia-prestazioak
• Lan-istriputik eta lanbide-gaixotasunetik eratorritako prestazioak

Dominikar Errepublikari buruz

Gizarte Segurantzako dominikar sistemari buruzko legeriari eta Gizarte Asegurua eta pentsio eta erretiroen plan publikoak arautzen dituzten lege bereziei, honako hauei dagokienez:

• Pentsioak eta erretiroak
• Zahartzaroko eta desgaitasun oso eta partzialeko prestazioak
• Adinagatiko zesantiagatiko prestazioak
• Biziraupen-prestazioak
• Gaixotasun, amatasun eta edoskitzaroagatiko laguntzak
• Haurrentzako egonaldi zerbitzuak

Prestazio horiei dagokienez, kontuan izan behar da:

• Hitzarmenean aurreikusitako kotizaziopeko prestazioak eskuratzeko, beharrezkoa denean, Espainian eta Dominikar Errepublikan betetako aseguru-aldiak gehi daitezke, betiere gainjartzen ez badira.
• Prestazio ekonomikoak jaso ahalko dira interesduna Espainian bizi den edo Dominikar Errepublikan dagoen kontuan hartu gabe.

Hala ere, aldi baterako ezintasunagatiko prestazioak eta kotizazio gabeko prestazioak ez dira ordainduko onuraduna beste herrialdeko lurraldean bizi denean.

• Herrialde bakoitzak zuzenean ordainduko dizkio bere prestazioak onuradunari. Hala ere, aitortutako pentsioaren lehenengo ordainketetatik, izaera bereko prestazioen ordainketei dagokien zenbatekoa kendu ahal izango da, beste herrialdeko Gizarte Segurantzak zor duen kopurua baino handiagoan egiten badira ordainketok.
• Bi herrialdeetako legediek kotizaziopeko pentsioa jasotzeko eskatzen dituzten baldintzak betetzen dituzten pertsonek pentsio hori herrialde bakoitzetik jaso ahal izango dute.

Gaixotasun arruntak edo lanekoa ez den istripuak, amatasunak eta haurdunaldiko arriskuak eragindako aldi baterako ezintasuna.

Kontingentzia horietatik eratorritako prestazio ekonomikoak langileari aplikatu beharreko legeria duen herrialdeko erakundeak emango ditu.

Prestazio horiek aitortzeko, behar izanez gero, bi herrialdeetako aseguru-aldiak batuko dira, betiere gainjartzen ez badira. 

Ezintasun iraunkorra, erretiroa eta biziraupena

Herrialde bakoitzak bere aldetik aztertuko du prestazio-eskaera, honela:

• Interesdunak prestazioa jasotzeko eskubidea duen egiaztatuko da, soilik bertako aseguru aldiak kontuan hartuta, beste herrialdekoak batu gabe.

• Halaber, prestazioa kalkulatuko da, bertako aseguru aldiei beste herrialdean egiaztatutakoak batuta (pentsio teorikoa). Kasu horretan, prestazioaren zenbatekoa ez da osoa izango, prestazioa ematen duen herrialdean betetako aseguru-aldien eta Espainiako eta Dominikar Errepublikako aldien baturaren (hainbanaketako pentsioa) arteko proportzioaren araberakoa baizik.

Salbuespen bat dago bi herrialdeetako batean  egiaztatutako aseguru-aldien guztizko iraupena urtebetetik beherakoa denean eta berez herrialde horretako pentsioa jasotzeko eskubiderik ematen ez dutenean. Beste herrialdeak bere egingo ditu, baina ez da aplikatuko “prorrata temporis” klausula.

Bi herrialdeetako bakoitzean egiaztatutako aseguru-aldiak ez badira urtebetera iristen, interesdunak prestazioa eskuratzeko baldintzak betetzen dituen herrialdearen arabera batuko dira. Bi herrialdeetan aseguru hori jasotzeko eskubidea izanez gero, langileak azken aseguru-aldiak frogatzen dituen herrialdean bakarrik aitortuko da prestazio hori. Kasu horietako batean ere ez da aplikatuko pentsioaren likidaziorako “prorrata temporis” klausula.

• Aurreko paragrafoetan adierazitakoaren arabera kalkulatutako prestazioak konparatuko dira, eta herrialde bakoitzak interesdunarentzat mesedegarriena den prestazioa aitortu eta ordainduko du.

Pentsioa aitortzeko eta kalkulatzeko, honako hauek hartuko dira kontuan:

• Herrialdeetako bateko legediak prestazio osoa onartzeko aseguru aldien gehienezko iraupena eskatzen badu, guztizko zenbaketen kasuetan herrialde horretako erakunde eskudunak, pentsio hori lortzeko behar diren beste herrialdeko kotizazio aldiak bakarrik hartuko ditu kontuan.

• Aldien guztizkoak kalkulatzen direnean, derrigorrezko aseguru aldiekin batera egindako borondatezko aseguru aldiak egiaztatzen badira, pentsio teorikoa nahiz prestazio ekonomikoaren zenbatekoa borondatezko aseguru aldiak kontuan hartu gabe zehaztuko da.

Hala ere, ateratzen den zenbatekoa handitu egingo da zenbatu ez diren borondatezko aseguruaren epeei dagokien neurrian. Gehikuntza hori borondatezko aseguruaren epeak bete diren herrialdeko legerian xedatutakoaren arabera kalkulatuko da.

• Pentsioa kalkulatzen duen Erakundeak kontuan izango du langilea bere araudiaren mendean dela, beste herrialde batean aseguratua badago edo bere aseguru aldietan oinarrituta herrialde horretako prestazio bat jasotzen badu. Biziraupen-pentsioak aitortzeko, kontuan hartuko da hildakoa aseguratuta zegoen edo pentsioduna zen, beste herrialdeko legediaren arabera.

• Prestazioren bat aitortzeko aseguru aldi batzuk gertaera eragilea baino lehen bete izana eskatzen bada, baldintza hori ere betetzat joko da interesdunak beste herrialdeko prestazioa aitortu baino lehen egiaztatzen baditu.

• Herrialde sinatzaileren bateko legeriak pentsioa murrizteko, baliogabetzeko edo kentzeko klausulak baldin baditu lan jarduera bat gauzatzen duten pentsiodunentzat, klausula horiek aplikagarriak izango dira lan jarduera hori beste herrialdean gauzatu arren.

• Espainiako pentsioa onartzeko Dominikar Errepublikako aseguru aldiak batu behar izan badira, pentsio horren kalkulua Espainiako Gizarte Segurantzaren azken kotizazioaren ordainketaren aurreko urteetan Espainian asegurudunak egiaztatutako benetako kotizazio oinarrien arabera egingo da. Horrela lortutako zenbatekoa handitu egingo da gertaera eragilearen egunera arte urtero izaera bereko pentsioetarako ezarritako errebalorizazioen arabera.

• Erregimen berezi batzuetako onuretara sartzeko (esaterako, itsasoko edo etxeko langileak) lanbide edo enplegu berean bete diren beste herrialdeko aldiak bakarrik hartuko dira kontuan.

• Espainiako Gizarte Segurantzaren erretiroagatiko pentsiorako Dominikar Errepublikan egiaztatutako aseguru aldien guztizkoa zenbatu bada, guztizko zenbaketa hori erabiliko da pentsioa zein adinetan jaso ahal izango den kalkulatzeko.

Dominikar Errepublikako legeriaren berariazko xedapenak

• Kapitalizazio indibidualaren erregimenera afiliatutako pentsioaren kalkulua erretiroaren unean pilatutako funtsaren arabera egingo da.

Afiliatu horrek gutxieneko pentsioa jasotzeko eskubidea izango du, baldin eta dominikar eta espainiar pentsioen zenbatekoen batura gutxieneko pentsiora iristen ez bada eta herrialde bakoitzean egindako ekarpenen batura eskatutako gutxienekoaren berdina edo handiagoa bada, betiere ekarpen horiek gainjartzen ez badira.

• Banaketa sistemara afiliatutako pentsioa egindako ekarpenen zenbatekoaren, horien kopuruaren eta batez besteko soldata kotizagarriaren arabera ezarriko da, kontsumitzaileen prezioen indizearen arabera eguneratuz.

Interesdunak eskubidea duen zehazteko, herrialde bakoitzean egindako ekarpenak batuko dira, aldi berean egindakoak ez badira behintzat.
 
Lan-istripua eta lanbide-gaixotasuna

Istripua gertatu edo gaixotu den egunean langilea zein herrialderen legediari lotuta dagoen, herrialde horrek zehaztuko du prestazioa.