Indarrean sartzeko data

Gizarte Segurantzaren Hitzarmen Aldeaniztun Iberoamerikarra  Gizarte Segurantzaren legerien koordinazio-tresna da, berresten duten eta Aplikazio Akordioa sinatzen duten Iberoamerikako Estatuen pentsioen arloan.

Gizarte Segurantzaren Hitzarmen Aldeaniztun Iberoamerikarra 2007ko azaroaren 10ean sinatu zen. 2011ko maiatzaren 1ean sartu zen indarrean,  zazpi Estatuk berretsi ondoren. Hala ere, berretsi duten Estatu kideetan indarrean sartzeak eragina izateko, Estatu Kideek hura garatzen duen Aplikazio Akordioa sinatu behar dute.

Orain arte, aurreko atalean zehaztutako baldintzak Espainiak, Argentinak, Boliviak, Brasilek, Txilek, Kolonbiak, El Salvadorrek, Ekuadorrek, Paraguaik, Peruk, Portugalek, Uruguaik eta Dominikar Errepublikak bete dituzte. Espainian eta Bolivian Hitzarmena indarrean dago 2011ko maiatzaren 1etik aurrera, Brasilen 2011ko maiatzaren 19tik aurrera, Ekuadorren 2011ko ekainaren 20tik aurrera, Txilen 2011ko irailaren 1etik aurrera, Uruguain 2011ko urriaren 1etik aurrera, Paraguain 2011ko urriaren 28tik aurrera, El Salvadorren 2012ko azaroaren 17tik aurrera, Portugalen 2014ko uztailaren 21etik aurrera, Argentinan 2016ko abuztuaren 1etik aurrera, Perun 2016ko urriaren 20tik, Dominikar Errepublikan 2020ko uztailaren 14tik eta Kolonbian 2023ko abuztuaren 1etik.

Gizarte Segurantzako Aldebiko Hitzarmenak baldin badaude bi Estatu Kideren artean, interesdunarentzat onuragarrienak direnak aplikatuko dira. Espainiaren kasuan, Aldebiko hitzarmenak daude Argentina, Brasil, Txile, Colombia, Ekuador, Paraguai, Uruguai, Peru eta Dominikar Errepublikarekin.

Gizarte Segurantzaren Hitzarmen Aldeaniztun Iberoamerikarraren  eta haren Aplikazio Akordioaren testuak 2011ko urtarrilaren 8ko Estatuko Aldizkari Ofizialean argitaratu dira.