Desemprego para os traballadores do mar

As persoas traballadoras afectadas por un ERTE derivado da DINA:

1. Teñen dereito a prestación contributiva por suspensión do contrato ou redución de xornada por motivo da DINA.

2. Esta prestación non esixirá períodos previos de cotización (non se necesita ter traballado e cotizado un mínimo de 360 días).

3. Non hai consumo de períodos cotizados (non gasta cotizacións).

4. Percibirase o 70 % da base reguladora durante toda a prestación.

5. No caso de que estivese cobrando unha prestación contributiva por compatibilización e preferise cobrar esta, deberá pedirlle á empresa que non o inclúa na solicitude colectiva.

Se es persoa traballadora afectada por un ERTE derivado da DINA, lembra que non debes presentar solicitude individual de prestación ante o ISM. É a empresa a encargada de presentar a solicitude colectiva en representación do seu persoal.

• As persoas traballadoras por conta allea que ven suspendido o seu contrato de traballo ou reducida a xornada por motivo da DINA.
• As persoas traballadoras con contrato fixo descontinuo que vexan interrompida a súa actividade ou non poidan incorporarse ao chamamento.
• Os socios traballadores de cooperativas e sociedades laborais.
  

Unha vez aprobado o ERTE pola Autoridade Laboral ou tras 5 días por silencio positivo, as empresas deberán remitir a través de Certific@2:

1. Solicitude colectiva de prestacións en representación dos seus traballadores e traballadoras, que se debe realizar en modelo oficial (modelo Excel que se publicará na web da Seguridade Social - www.seg-social.es) e enviar a través dun novo servizo na sede electrónica do SEPE (sede.sepe.gob.es).
2. Ficheiros de períodos de actividade e inactividade (XML), que se remitirán a través de Certific@ se hai algún día/hora de actividade, unha vez iniciada esta prestación.
3. O calendario mensual para o control da actividade pola inspección de traballo.

Na web do SEPE poderás atopar información detallada dos pasos a seguir.

Son as empresas afectadas pola DINA as que deben realizar a solicitude do ERTE e a solicitude colectiva de prestacións para o seu persoal.
As solicitudes que deben realizar as empresas son as seguintes:

1. Presentar o ERTE ante a Autoridade Laboral.

2. Presentar unha solicitude colectiva para as persoas traballadoras, que debe realizarse en modelo oficial (modelo Excel que se publicará na web da Seguridade Social - www.seg-social.es) e enviarse a través dun novo servizo na sede electrónica do SEPE (sede.sepe.gob.es). Ademais tamén se presentará, tal e como se sinala máis abaixo a través de Certific@2.

O ERTE debe ser aprobado pola Autoridade Laboral. Con todo, se en 5 días non recibiron resposta, considérase aprobado por silencio administrativo positivo e poderán presentar a solicitude colectiva de prestacións.

As empresas afectadas pola DINA poden solicitar un Expediente de Regulación Temporal de Emprego (ERTE) por forza maior ou por causas económicas, técnicas, organizativas ou de produción (ETOP) para os seus traballadores e traballadoras, segundo recolle o artigo 47 do Estatuto dos Traballadores.
As medidas que se poden adoptar son a suspensión temporal do contrato de traballo ou a redución da xornada das persoas traballadoras.