A partir do día 6 de outubro de 2020, o réxime de Clases Pasivas do Estado queda integrado no Ministerio de Inclusión, Seguridade Social e Migracións mediante a adscrición provisional  da Subdirección Xeral de Xestión de Clases Pasivas á Dirección Xeral de Ordenación da Seguridade Social. A pesar do anterior, nas Delegacións provinciais de Economía e Facenda continuará existindo unha sección de Clases Pasivas para prestar información e atención aos cidadáns con relación a calquera trámite ou xestión en materia de Clases Pasivas.

Igualmente, para calquera cuestión relacionada co Réxime de Clases Pasivas, os cidadáns teñen á súa disposición o portal de Clases Pasivas (www.portalclasespasivas.gob.es). Neste portal pódese consultar información detallada e actualizada dos distintos tipos de prestacións xestionadas pola Subdirección Xeral de Xestión de Clases Pasivas, e  poderá, entre outras cousas, obter os formularios para solicitar tales prestacións e coñecer a normativa que as regula. Igualmente, dentro da lapela “Servizos”,  poderá solicitar cita previa para ser atendido presencialmente,  como tamén formular calquera consulta a través  dun formulario específico que se encontra no apartado “Caixa de correo de consultas”, ou calcular o importe da súa futura pensión, se é un funcionario próximo a xubilarse ou retirarse.