Inicio
Beneficiarios / Requisitos
Tema:
-
Beneficiarios / Requisitos
-
Cal é a idade esixida para acceder á xubilación?
Categoría: > Tema:A idade de acceso á pensión de xubilación depende da idade do interesado e das cotizacións acumuladas ao longo da súa vida laboral.
As idades de xubilación e os períodos de cotización aplicaranse de forma gradual ata o 2027.
A idade mínima pode ser rebaixada ou anticipada, só para traballadores en alta ou en situación asimilada á de alta, en determinados supostos especiais.Accións dispoñibles -
Se se cotizou a varios réximes, cal deles recoñecerá a pensión de xubilación?
Categoría: > Tema:En primeiro lugar, recoñecerá a pensión o réxime no que o interesado estea en alta no momento do feito causante ou o último no que se produciu esa circunstancia, sempre que reúna todos os requisitos. En caso de non corresponder o dereito, aplicarase a mesma fórmula nos réximes anteriores.
Se en ningún deles se acreditan os requisitos necesarios, resolverá o réxime no que o interesado acredite maior número de cotizacións, previa totalización de todas as que acredite o interesado.
Se o traballador non acredita o requisito da idade esixido no réxime no que acredite o maior número de cotizacións, poderá recoñecerse a pensión por ese réxime sempre que cumpra o requisito de idade nalgún dos demais réximes que se tivesen en conta para a totalización de períodos de cotización, ademais do resto de requisitos esixibles para iso (5 anos ou 1/4 das cotizacións no réxime que permite a xubilación anticipada).
Accións dispoñibles -
Poden xubilarse os traballadores autónomos antes da idade regulamentaria de xubilación?
Categoría: > Tema:Se o traballador "ten a condición de mutualista", podería xubilarse a partir dos 60 anos sempre que cumpra determinados requisitos.
Se o traballador "non ten a condición de mutualista" e cesa como Autónomo, podería xubilarse a unha idade inferior en dous anos, como máximo, á idade que regulamentariamente lle sería de aplicación, sempre que alcance o resto dos requisitos esixidos.
Accións dispoñibles -
En que consiste a bonificación de idade por discapacidade?
Categoría: > Tema:Os períodos efectivamente traballados (como traballador por conta allea incluído no Réxime Xeral, así como nos réximes especiais de Traballadores do Mar e da Minaría do Carbón), nos que o traballador acredite unha discapacidade igual ou superior ao 65%, multiplícanse polo coeficiente redutor que corresponda:
-
O coeficiente do 0,25, nos casos en que o traballador teña acreditado un grao de discapacidade igual ou superior ao 65%.
-
O coeficiente do 0,50, nos casos en que o traballador teña acreditado un grao de discapacidade igual ou superior ao 65% e acredite a necesidade do concurso doutra persoa para a realización dos actos esenciais da vida ordinaria.
O resultado en días súmase á idade real do traballador e obtense a idade ficticia que será a tida en conta para os efectos da pensión de xubilación.
Accións dispoñibles -
-
A que traballadores se lles aplica a xubilación parcial?
Categoría: > Tema:A xubilación parcial é aplicable aos traballadores por conta allea, a tempo completo, integrados en calquera réxime por conta allea da Seguridade Social. Non é aplicable ao persoal con relación funcionarial ou estatutaria, conselleiros ou administradores asimilados a traballadores por conta allea, representantes de comercio e artistas.
Respecto dos traballadores por conta propia, o artigo 318 do Texto Refundido da LGSS, dispón que a xubilación parcial resultará de aplicación aos traballadores por conta propia incluídos nos Réximes Especiais de Traballadores do Mar e de Traballadores Autónomos, nos termos e condicións que se establezan regulamentariamente. Dado que non tivo lugar este desenvolvemento regulamentario, estes traballadores non poden causar, na actualidade, este tipo de xubilación.
Accións dispoñibles -
Pódese xubilar unha persoa que está inscrita como demandante de emprego, pero que non ten dous anos de cotización dentro dos últimos 15?
Categoría: > Tema:Se accede á pensión dende unha situación asimilada á de alta sen obriga de cotizar, (por exemplo, está no paro involuntario con demanda de emprego ininterrompida dende que finalizou a prestación por desemprego), o período específico de cotización de 2 anos deberá estar comprendido dentro dos últimos 15 anteriores á data en que cesou a obriga de cotizar (finalización da prestación por desemprego).
Accións dispoñibles -
Pode xubilarse anticipadamente o traballador que cesou voluntariamente no traballo?
Categoría: > Tema:Se o traballador "ten a condición de mutualista", si podería xubilarse a partir dos 60 anos sempre que cumpra os requisitos esixidos.
Se o traballador "no ten a condición de mutualista" e o cesamento no último traballo se produce pola libre vontade do traballador, podería xubilarse a unha idade inferior a dous anos, como máximo, á idade que regulamentariamente lle sería de aplicación, sempre que alcance o resto de requisitos esixidos.
Accións dispoñibles -
É posible xubilarse cunha idade inferior á regulamentaria sen a aplicación de coeficientes redutores?
Categoría: > Tema:Si, en determinados supostos con regulación específica como son determinados artistas e profesionais taurinos.
Tampouco se aplicarán coeficientes redutores naqueles casos en que, por aplicación de bonificacións por traballos penosos ou por discapacidade, se alcancen os anos ficticios regulamentarios.Accións dispoñibles -
Se o traballador solicita a xubilación parcial, ten que traballar ata a idade regulamentaria para logo ter dereito á pensión normal?
Categoría: > Tema:Non é necesario esperar á idade regulamentaria de xubilación. O traballador que se acolle á xubilación parcial poderá solicitar a pensión de xubilación ordinaria ou anticipada, en calquera das súas modalidades, sempre que reúna todos os requisitos para iso.
Accións dispoñibles -
Pode solicitar a xubilación parcial quen fixo xa a idade ordinaria de xubilación?
Categoría: > Tema:Si. Neste caso, non será necesario que se teña simultaneamente un contrato de remuda.
Accións dispoñibles
-