Se o traballador causou baixa médica con anterioridade á folga legal, continuará percibindo o subsidio de incapacidade temporal; esta mesma situación tamén é válida en caso de peche patronal.

En cambio, se se inicia a baixa médica durante a folga legal ou o peche patronal, non se percibirá o subsidio ata que estes finalicen. Non obstante, se a incapacidade temporal está causada por un accidente de traballo, si se recoñece e se paga a prestación.

Se a folga tivese a consideración de ilegal, non se terá dereito ao subsidio e a denegación subsiste aínda cando o traballador se encontre de alta no réxime de que se trate.

Non procede, ao non cotizar por esa continxencia en situación de convenio especial, a excepción de deputados e senadores das Cortes Xerais, deputados do Parlamento Europeo e membros dos parlamentos e gobernos das CC. AA.

As cotas sen pagar e/ou prescritas non se computan.

As aboadas fóra de prazo só serán válidas se o seu ingreso é anterior ao mes do feito causante ou, se é posterior, ese ingreso efectúase dentro do prazo regulamentario ou en virtude de aprazamento ou fraccionamento concedido con anterioridade ao feito causante.

En principio, se se trata de traballador responsable do ingreso de cotizacións, será necesario que estea ao corrente, aínda que a prestación sexa recoñecida, como consecuencia do cómputo recíproco, nun réxime de traballadores por conta allea.

Para os efectos da esixencia ou non de que o traballador estea ao corrente, terase en conta o último réxime no que figurara de alta antes de causar a prestación:

• Se no último réxime o traballador era o responsable do pagamento, para causar o dereito á prestación será necesario que non teña ningunha débeda pendente en ningún dos réximes aos que pertencera ao longo da súa vida laboral.
  
  
• Se no último réxime o traballador non era o responsable do pagamento, pero pertenceu a algún outro réxime no que si o era, esixirase que estea ao corrente unicamente se as cotizacións a estoutros réximes producen efectos para o acceso ou na contía da prestación.
  

Producido un accidente de traballo nunha determinada actividade, se o traballador, debido ao seu pluriemprego ou pluriactividade, estivese noutra empresa ou nalgún outro Réxime da Seguridade Social, as prestacións recoñeceranse da seguinte forma:

a) Se a outra actividade ou emprego é por conta allea, considérase como accidente laboral.

b) Se a outra actividade é por conta propia:

• Se é un accidente, considérase como accidente non laboral.

c) Se a outra actividade é por conta propia e o traballador non tivese optado pola cobertura das continxencias profesionais:

• Se é unha enfermidade protexida como accidente de traballo (infarto), considérase como enfermidade común.

d) Se a outra actividade é por conta propia e o traballador tivese optado pola cobertura das continxencias profesionais:

• Se é unha enfermidade protexida como accidente de traballo (infarto), considérase como accidente laboral. As denominadas enfermidades do traballo teñen a consideración de accidente de traballo, sempre que no réxime especial por conta propia se teñan cubertas as continxencias profesionais, e iso en virtude da identidade existente entre o concepto que destas fixa o artigo 3.2.c) do Real Decreto 1273/2003 e o artigo 115.2.e) da Lei Xeral da Seguridade Social.

TRABALLADOR A TEMPO PARCIAL E PERCEPTOR DE PRESTACIÓNS POR DESEMPREGO

O accidente de traballo parcial sufrido por un traballador a tempo parcial que ademais é perceptor de prestacións por desemprego, considerarase como tal polo traballo a tempo parcial pero derivada de continxencia común dende a situación de percepción de prestacións por desemprego, dado que nesta situación, a cotización á Seguridade Social  non comprende as cotas correspondentes a accidentes de traballo e enfermidade profesional.

Denégase a prestación por non encontrarse ao corrente no pagamento das cotizacións á Seguridade Social, e notifícaselle a invitación ao pagamento.

Se no prazo de 30 días naturais, contados dende a recepción da notificación, efectúa ante a Tesouraría Xeral da Seguridade Social o ingreso que resulte necesario para cumprir este requisito, consideraráselle ao corrente e procederase a recoñecer a prestación.

Non obstante, se o ingreso se realizase despois dos 30 días, pero dentro do prazo de prescrición de 5 anos,  aboarase a prestación dende a data de efectos, minorada nun 20%.

Os traballadores a tempo parcial encóntranse de alta durante todos os días que dure o seu contrato de forma que se a baixa médica xorde un día no que non deben traballar, nace a situación de |IT  coma se se tratase dun traballador a tempo completo.

Cando o feito causante da IT se produce durante os períodos de inactividade, non se percibe o subsidio. É unha situación asimilada á alta, e a empresa aboa a prestación ao comezo da campaña en réxime de pagamento delegado, na porcentaxe que lle corresponda. O cómputo do período de IT nace na data da baixa médica.

Os días teóricos de cotización calcúlanse ao dividir por 5 o número de horas efectivamente traballadas, equivalente diario do cómputo de 1.826 horas anuais.

O período de 5 anos no que deben estar comprendidas as cotizacións amplíase na mesma proporción en que se reduce a xornada efectivamente traballada respecto da xornada habitual da actividade de que se trate.

Para alcanzar o período de cotización esixido (180 días nos 5 anos inmediatamente anteriores á data do feito causante), ademais das cotizacións efectivamente realizadas ou as expresamente asimiladas a elas, tamén son computables os días cota ou parte proporcional de pagas extras, exceptuando as realizadas baixo un contrato de formación, posto que neste caso se cotiza por unha cantidade fixa na que non vai rateada a parte proporcional das pagas extras.

• A empresa aboará en pagamento delegado a prestación por incapacidade temporal da parte correspondente á xornada de traballo a tempo parcial e o Servizo Público de Emprego Estatal (SEPE) aboará a parte correspondente ao desemprego, de forma análoga ao que acontece en supostos de pluriemprego.
• A contía que aboará o SEPE será igual á da prestación por desemprego, co consumo dos días de prestación que correspondan.

• Se se encontra percibindo a prestación de incapacidade temporal  e o inclúen nun procedemento de regulación de emprego de suspensión ou redución de xornada por un ERTE, non lle afectarán as súas medidas ata que presente a alta médica.

• Seguirá percibindo a prestación de incapacidade temporal, que continuará sendo aboada pola súa empresa en réxime de pagamento delegado.

A prestación por incapacidade temporal será aboada polo Servizo Público de Emprego Estatal (SEPE), por delegación do Instituto Nacional da Seguridade Social (INSS) ou polo Instituto Social da Mariña se é traballador do mar. A súa contía será igual á prestación por desemprego, co consumo correspondente de días de prestación.

No caso no que a IT estea protexida por unha MCSS ou empresa colaboradora, o SEPE suspende a prestación por desemprego e a prestación de IT abóase en pagamento directo pola MCSS ou empresa colaboradora.

Neste caso, só se terá en conta o período anterior se entre a alta médica e a seguinte baixa médica non pasaron máis de 180 días.

Se pasaron máis de 180 días dende o proceso anterior sexan ou non as mesmas lesións, trataríase dun novo recoñecemento e deberían acreditarse, en caso de enfermidade común, 180 días de cotización nos últimos 5 anos.

En caso de que sexan distintas lesións, aínda que non transcorresen 180 días, tamén procedería un novo recoñecemento e terían que cumprirse os requisitos mencionados.

Esta nova baixa xeraría un novo proceso de incapacidade temporal con dereito ao subsidio nos seguintes supostos:

• Se está causada pola mesma ou similar patoloxía e non transcorreu un período de 180 días de actividade laboral,  só se recoñece o dereito se se inicia cunha baixa médica posterior no tempo á data de denegación da situación de incapacidade permanente. Esta nova baixa deberá ser emitida polo Servizo Público de Saúde (SPS) en continxencias comúns ou o SPS ou a Mutua Colaboradora coa Seguridade Social se se trata de continxencias profesionais.
  
  
• Se está causada por unha patoloxía distinta, tense dereito á prestación sempre que se reúnan os requisitos xerais desta prestación (alta ou asimilada e período de cotización de 180 días nos últimos 5 anos se deriva de enfermidade común).
  

Durante os 180 días seguintes á data da devandita alta médica cursada polos inspectores médicos do INSS, nos novos procesos que se puidesen producir, só poderán ser expedidas as novas baixas polos inspectores médicos do INSS, sempre e cando estean relacionados co proceso que orixinou a devandita alta médica

A baixa voluntaria do traballador no Réxime Especial de Autónomos leva consigo a renuncia á opción da prestación económica de |IT , sen prexuízo de manter a percepción da prestación que estivese a recibir no momento da baixa, ata que se produza unha causa legal de extinción desta situación.

Dividirase a base de cotización do mes da baixa polo número de días que lle corresponda a esa cotización.

No suposto de que se trate dun novo contrato, aínda que puidese existir unha base de cotización nesa mesma empresa, ou noutra no mes anterior, dividirase a base de cotización do novo contrato entre os días cotizados deste.

Se se dese a circunstancia de que a baixa médica se producise no mesmo día de iniciar a actividade laboral, a base reguladora calcularase tendo en conta as retribucións que debería percibir o traballador durante o mes que tiña que empezar a súa relación laboral.

A base reguladora será a suma das bases de cotización de desemprego excluídas as horas extraordinarias, correspondentes aos últimos 180 días cotizados para esta prestación dentro dos 6 anos anteriores á extinción do contrato ou, se existe período de vacacións non gozadas -que ten que cotizar a empresa- ata a finalización desas vacacións.

Se non existe un período continuado de 180 días de bases de cotización para a prestación de desemprego, podemos buscalas dentro dos 6 últimos anos ata completar eses 180 días. Se non se chegan a completar 180 días, tómanse as bases localizadas e divídense entre o número de días a que se refira esa cotización.

O pago asumirao a entidade que protexa a IT (INSS, Mutua ou empresa), desde o día seguinte á extinción da relación laboral/finalización do período de vacacións aínda que non se alcanzase o 16º día da baixa.

Débese realizar un dobre cálculo:

1. Por un lado, os días de vacacións pendentes de gozar coma se estivese a percibir a prestación en réxime de pagamento delegado.
   
   
2. Por outro, a partir do día de finalización do período de vacacións retribuídas e non gozadas, calcúlase a prestación de idéntica forma aos supostos de extinción.
   

Esta situación considérase asimilada á alta sempre que exista unha cotización posterior á extinción do contrato por parte da empresa. Como a prestación por desemprego non se recoñece ata que finalice ese período e este tense en conta para determinar o nacemento e duración da prestación, no cálculo da base reguladora terase en conta a cotización desas vacacións.

Habería que distinguir:      

Se é recaída dun proceso anterior cando o traballador estaba en activo: o importe da IT será igual ao que estaba a percibir durante o desemprego. Aplicaráselle a mesma porcentaxe que tiña a prestación por desemprego nese momento. 

Se non é recaída dun proceso anterior: abóase a prestación ao aplicar o 80% do índice público de rendas de efectos múltiples (IPREM) excluída a parte proporcional das pagas extraordinarias. Non se ten en conta a base reguladora que teña o traballador nin a súa situación familiar.

Se se trata dun traballador a tempo parcial, o 80% minórase coa porcentaxe de cotización que aplicara o SPEE no cálculo da prestación por desemprego.

A base reguladora durante a IT  mantense inalterable  agás que se incremente  a base mínima de cotización ou se modifique a base de cotización que serviu de base á base reguladora desta prestación como consecuencia de incrementos retributivos ou similares que teñan eses efectos retroactivos.

• En caso de enfermidade común ou accidente non laboral:
  
  A entidade que protexe a IT no momento da recaída é a que asume o pagamento da prestación, calculando o subsidio en función das bases de cotización do momento da recaída,  con independencia de quen a protexese no primeiro proceso.
  
  
• En caso de AT  ou EP:
  
  
  • Se a base reguladora do AT inicial é igual ou superior á da recaída: a primeira aseguradora aboará a recaída tomando como base reguladora a da recaída. A segunda queda liberada do pagamento.
    
    
  • Se a base reguladora do AT inicial é inferior á da recaída: a primeira aseguradora aboará o importe pola base asegurada no AT inicial e a segunda pagará a diferenza entre a primeira base reguladora e a da recaída.            

Este criterio mantense aínda cando mediasen máis de 180 días sen actividade laboral, aínda que non é un proceso acumulable para os efectos da duración máxima da IT. 

Se no momento da recaída o traballador se encontra en desemprego, será a aseguradora inicial a que responda da IT en función da base reguladora do primeiro proceso ou dos salarios do accidente, se nese momento non se produciu baixa médica. Non obstante, ao pagamento aplicaránselle as limitacións do Art. 222 da LXSS.

Debe presentar na entidade coa que teña concertado o risco, o INSS ou a Mutua, no seu caso, a solicitude de pagamento directo da prestación de incapacidade temporal, parte de baixa, o documento acreditativo de estar ao corrente no pagamento das cotas á Seguridade Social, e tamén a declaración de actividade.

Os traballadores por conta propia ou autónomos teñen a obriga de presentar no INSS, nun prazo de 15 días desde o inicio da situación de IT, a declaración sobre a persoa que xestiona directamente o establecemento mercantil, industrial ou doutra natureza ou, no seu caso, de cesamento temporal ou definitivo da actividade co fin de que a Administración poida verificar a situación na que queda o establecemento do que é titular durante a situación de IT.       
   
Non obstante, só procede iniciar un expediente sancionador se a presentación da declaración se produce transcorridos 45 días desde a baixa médica.    
       
A non presentación da declaración ou a declaración extemporánea, considérase unha infracción leve e por conseguinte sanciónase coa perda da prestación durante un mes.

Non é un documento preceptivo, senón obrigatorio, polo que se poderá tramitar o expediente aínda que non se dispoña da declaración. Se o traballador reúne todos os requisitos, resolverase o expediente aprobándoo pero non se pagará o subsidio e manterase a suspensión no pagamento ata que se presente a declaración.

• Se o Servizo Público de Saúde emitiu o correspondente parte de confirmación ou, se é o caso, parte de alta, o INSS ou ISM procederá ao pagamento da prestación de incapacidade temporal de forma automática sen necesidade de presentar os partes de confirmación e/ou alta.    
• O período que cubran os citados partes de confirmación e/ou alta será pagado coa nómina mensual centralizada, como viña sendo habitual antes da situación extraordinaria de medidas de contención da COVID-19.

• Non obstante, o Instituto Nacional da Seguridade Social só poderá emitir o pagamento se houbo unha emisión previa dos partes de confirmación e/ou alta correspondentes.

• Se non recibe o pagamento, haberá de contactar co Servizo Público de Saúde (SPS) para consultar se se emitiu o parte de confirmación e/ou alta e resolver, no seu caso a incidencia na súa emisión, xa que o SPS é o órgano competente para a emisión dos partes de confirmación e/ou alta.

• Cando a IT deriva de continxencias comúns,  o pagamento corresponde á entidade xestora (INSS ou ISM) ou a mutua se a empresa optou porque estas asuman o pagamento da prestación
  

• No caso de IT derivada de continxencias profesionais, o pagamento corresponde á entidade xestora (INSS ou ISM) ou a mutua coa que a empresa teña cubertas as continxencias profesionais ou á empresa que colabore voluntariamente na xestión de IT derivada de continxencias profesionais. 

• A asistencia sanitaria e o control dos partes pode corresponder, en caso de IT de menos de 365 días, ao Servizo Público de Saúde, ao INSS, ao ISM, e no seu caso, á Mutua colaboradora ou á  empresa que asuma a colaboración voluntaria nos casos nos que teñan cuberta a IT derivada de continxencias profesionais.
  

• A partir do día 365, a asistencia sanitaria e o control do proceso corresponderán ao INSS ou ao ISM.

• Se a responsabilidade do pagamento da incapacidade temporal correspondía ao INSS no momento da opción pola Mutua, tras a opción o pagamento seguirá correspondendo ao INSS.

• Se a incapacidade temporal se causa con posterioridade á opción pola Mutua ou sófrese unha recaída da incapacidade temporal anterior, será a Mutua Colaboradora a que asumirá a xestión e pagamento desa incapacidade temporal.

O RD 1060/2022 e a Orde 2/ISM/2023 modifican, respectivamente, o RD 625/2014 e a Orde EES/1187/2015. A partir do 1 de abril de 2023, data da entrada en vigor destas modificacións, as novidades máis destacables son:

• Supresión da obriga do traballador de recibir e presentar a copia do parte médico de IIT que estaba destinada á empresa.
• Suprímese a obriga das empresas de transmitir información ao INSS nos sucesivos partes de confirmación e de alta. Unicamente deberán remitir ao INSS os datos económicos nos partes de baixa.

A través do Ficheiro INSS Empresas (FIEI).

Existen dúas formas de descargar o FIE, en función do medio de transmisión da autorización RED da empresa:

• Se o medio de transmisión da miña Autorización RED é Sistema de Liquidación Directa: poderei utilizar SILTRA. Non obstante, tamén poderei acceder ao servizo FIER do Sistema RED Online.
• Se o medio de transmisión da miña Autorización RED é Sistema RED Directo: unicamente poderei utilizar o servizo FIER do Sistema RED Online.

O INSS enviaralle unha carta por correo ordinario e unha mensaxe de texto ao teléfono móbil que conste na base de datos da Seguridade Social. A carta tamén se poñerá a disposición na Sede Electrónica da Seguridade Social. Así mesmo, o empregador tamén poderá coñecer a información do proceso de IT do seu empregado a través do portal IMPORTASS da TGSS.

Non obstante, se o empregador dispón dunha Autorización RED, poderá consultar o FIE a través de SILTRA ou do servizo FIER, en función do medio de transmisión da autorización.

A descarga do FIE a través de SILTRA só pode realizarse polos usuarios principais de autorizacións RED do Sistema de Liquidación Directa (SLD).

A través do Servizo FIER, a descarga pódea realizar calquera usuario principal ou secundario dunha autorización RED (xa sexa Sistema de Liquidación Directa ou RED Directo).

O FIE descárgase en formato en .txt, polo que resulta conveniente que as empresas o automaticen para integrar a información nos seus sistemas de xestión de nóminas.

A través do servizo FIER, o usuario da autorización RED pode descargarse o FIEI en formato Excel.

Envíase diariamente sempre que na base de datos do INSS se xere algunha modificación dalgún dos campos que están incluídos no FIE.

O servizo FIER ofrece a posibilidade de descargar conxuntamente a información relativa a un período de tempo, co límite de 15 días e de 300 rexistros como máximo por cada arquivo Excel.

A estrutura da mensaxe FIE, o seu contido e a descrición dos seus campos, así como os posibles valores destes encóntranse recollidos no deseño de rexistro que se pode consultar na seguinte ligazón Instrucións Técnicas.

O FIE estrutúrase en etiquetas que inclúen información sobre a empresa, o traballador e as prestacións de Seguridade Social. As etiquetas que inclúen información sobre as prestacións de Seguridade Social son as seguintes:

• Etiqueta DIT “Datos de Incapacidade Temporal”: contén información dos partes de baixa e alta enviados polos Servizos Públicos de Saúde e Mutuas Colaboradoras coa Seguridade Social.
• Etiqueta IT 2 “Datos Incapacidade Temporal 2”: informa sobre a data e tipo de accidente de traballo.
• Etiqueta ITD “IT Pagamento Directo”: Informa sobre a prestación de IT na modalidade de pagamento directo do INSS e do ISM.
• Etiqueta OIT “Outros Datos de IT”: Informa sobre outros datos da IT en modalidade pagamento directo e a data de esgotamento dos 545 días
• Etiqueta CIT “Continuación Situación IT”: Informa sobre o contido dos partes de confirmación enviados polos Servizos Públicos de Saúde e Mutuas Colaboradoras coa Seguridade Social.
• Etiqueta DIP “Datos Incapacidade Permanente: Informa sobre o recoñecemento de pensións de incapacidade permanente e LPNI.
• Etiqueta JUB “Datos de Xubilación”: Informa sobre o recoñecemento de pensións de xubilación.
• Etiqueta DOP “Datos doutras Prestacións”: Informa sobre outras prestacións aboadas en pagamento directo (Nacemento e coidado de menor; Risco durante o embarazo; Risco durante a lactación; Coidado do menor; Corresponsabilidade do Coidado do Lactante).
• Etiqueta NAC “Datos sobre Nacementos”: Informa sobre os nacementos comunicados polo Ministerio de Xustiza.

A información dos partes de baixa e alta que envían os Servizos Públicos de Saúde ou Mutuas pódese consultar nas etiquetas:

• DIT “Datos de Incapacidade Temporal”.
• IT2 “Datos de Incapacidade Temporal 2”.

A información dos partes de confirmación que envían os Servizos Públicos de Saúde ou Mutuas pódese consultar na etiqueta CIT “Continuación situación en IT”.

Premendo na seguinte ligazón  Manuais SILTRA.

Premendo na seguinte ligazón Manuais de usuario.

O aviso RED 28/11/2022- Novo servizo de “Consulta/Modificación delegación recepción comunicacións de oficio” en Xestión de Usuarios de Autorizacións Red informa da creación dun servizo mediante o cal o usuario principal pode delegar nas caixas de correo RED de calquera dos seus usuarios secundarios a recepción das mensaxes que se lle remitan de oficio a través do devandito sistema dende os organismos e entidades da Administración da Seguridade Social.

De momento non se modifica a versión actual do FIE. Non obstante, o INSS está a traballar no desenvolvemento dunha nova versión que permita mellorar a versión existente na actualidade.

De momento non se modifica a versión actual do servizo FIER. Non obstante, o INSS está a traballar no desenvolvemento dunha nova versión que permita aumentar o límite de rexistros a máis de 300 e que permita ao usuario da Autorización RED ver todos os CCC/Réximes que dependan da súa autorización sen necesidade de filtrar por un CCC/NAF concreto.

Para adaptar o envío dos partes de IT polos usuarios do Sistema RED á nova normativa, desenvolveuse unha nova versión –versión 6.0– dos ficheiros FDI e FRI. Así mesmo, tamén se adaptará ás modificacións normativas o servizo “Incapacidade Temporal Online” do Sistema RED Online.

Os documentos encóntranse publicados na páxina web de Seguridade Social, coas modificacións en cor gris e pódense consultar premendo na seguinte ligazón Instrucións Técnicas.

Desaparece a obriga de enviar os partes de confirmación e de alta. Respecto dos partes de baixa, só deben enviar os datos económicos despois de recibir, a través do FIE, a información contida no parte de baixa do Servizo Público de Saúde ou Mutua.
Para máis información, pódese consultar o Boletín de Noticias 2023/3 do 23 de febreiro de 2023.

Neste caso, se se trata dun proceso de IT por continxencias profesionais, a empresa asume directamente o pagamento, ao seu cargo, da prestación económica e sanitaria, polo tanto, debe seguir a enviar ao INSS os partes médicos de baixa, confirmación e alta.

Trátase, por exemplo, do colectivo de funcionarios pertencentes á antiga MUNPAL. Nestes casos, se se trata dun proceso de IT por continxencias comúns, as empresas tamén deberán seguir enviando ao INSS os partes médicos de baixa, confirmación e alta.

• Creación dunha nova acción (táboa T -34)  DE – Datos Económicos.
• Creación dun novo segmento ODT – Outros Datos Traballador.
• Creación de dous novos campos no segmento DEC: “días cotizados ano anterior por horas extras” e “días cotizados ano anterior por outros conceptos”.
• Creación dun novo segmento FUN – Descrición de Funcións.

Créase un novo tipo de parte denominado “PARTE DATOS ECONÓMICOS”. Introdúcense unha serie de validacións de forma que, na pantalla de GRAVACIÓN DE PARTES, unha vez que se cumpren os campos Réxime, C.C.C., N.A.F., continxencia e data de baixa, e prémase o botón “Aceptar”, en función do suposto que se trate, a propia aplicación cargará automaticamente o formulario relativo ao parte de datos económicos ou ben facilitarase a posibilidade de seleccionar o tipo de parte a gravar (alta, baixa, confirmación).

A empresa deberá comunicar o posto de traballo específico que realiza o traballador mediante un texto libre de 50 posicións, como máximo.

A empresa deberá comunicar as funcións que realiza o traballador na empresa mediante un texto libre de 268 posicións.

No FDI, o campo “descrición de funcións” conta con 67 posicións, pero a etiqueta poderase repetir ata un máximo de 4 veces.

Se un traballador asegurado en España causa baixa médica durante a súa estancia no estranxeiro pode acceder á prestación de Incapacidade Temporal. Para iso deberá enviar a documentación correspondente á Dirección Provincial do INSS da provincia na que estea de alta o traballador na empresa.

A Dirección Provincial do INSS procederá a recoñecer a baixa médica, comunicando a resolución ao traballador e á empresa. A prestación aboarase na mesma modalidade que correspondería se se tratase dunha IT de carácter nacional.

Toda a información acerca da documentación necesaria e a súa forma e prazo de envío atópase dispoñible na seguinte ligazón: Seguridade Social: Publicacións (seg-social.es)