Pensión a favor de padres

A cada proxenitor correspóndelle o 15 por 100 da base reguladora, ou o 7,5 por 100 no suposto de que o causante dos dereitos falecese tras ser declarado inutilizado en acto de servizo ou como consecuencia do mesmo e de terse sinalado no seu favor a correspondente pensión extraordinaria.

Non asistirá, en ningún caso, a calquera dos pais do funcionario falecido o dereito a que o valor da pensión do outro deles que faleza ou deba cesar na percepción incremente o da súa.

O pai e a nai do causante, sempre que dependesen economicamente deste ao momento do seu falecemento e que non exista cónxuxe sobrevivente, excónxuxe, parella de feito ou fillos do falecido con dereito a pensión. No suposto de que no momento do falecemento do causante houbese cónxuxe, excónxuxe, parella de feito ou fillos con dereito a pensión, o pai e a nai daquel só terán dereito á pensión a partir do momento en que esta quede vacante por falecemento ou perda de aptitude legal do cónxuxe, excónxuxe ou parella de feito e dos fillos con dereito.

Con efectos de 1/1/2013, establécese que a presunción de que concorre o requisito de dependencia económica prodúcese cando a suma en cómputo anual de todas as rendas e ingresos de calquera natureza que perciba a unidade familiar sexa inferior ao dobre do salario mínimo interprofesional vixente.

Nas familias monoparentais, presumirase que concorre o devandito requisito de dependencia económica cando a suma indicada no parágrafo anterior sexa inferior ao salario mínimo interprofesional vixente.