Consideración como período de cotización efectiva
No caso no que o contrato de traballo se deba suspender por decisión da traballadora que se vexa obrigada a abandonar o seu posto de traballo como consecuencia de ser vítima de violencia de xénero, este período de suspensión considerarase como período de cotización efectiva.
Isto significa que ese período se terá en conta para as prestacións da Seguridade Social de: xubilación, incapacidade permanente, morte e supervivencia, nacemento e coidado de menor, desemprego e coidado de menores afectados por cancro ou outra enfermidade grave.
Tamén se considerará que a vítima se encontra en situación asimilada á alta, é dicir, que aínda que non estea de alta nunha empresa, considerarase que si o está.