Cookiei buruzko oharra

Webgune honek cookieak erabiltzen ditu, erabiltzaile gisa esperientzia hobea izan dezazun. Cookieak ez dira erabiltzen informazio pertsonala jasotzeko. Informazio gehiago nahi izanez gero, kontsultatu gure cookie-politika.

Portal de la Seguridad social

Ir a contenido Desplegar campo de búsqueda
Valore esta página
Valore este contenido

Onuradunak / Baldintzak

Pertsona babestuak

  • Eskola Aseguruaren aplikazio-eremuan sartzen dira Espainian ikasketa hauek egiten dituzten 28 urtetik beherako ikasle espainiar guztiak:
    • DBHko 3. eta 4. maila eta Batxilergoa.
    • Lanbide Heziketa, bigarren mailatik hasita, erdi mailakoa, goi mailakoa eta berezia.
    • Lanbide-heziketa berezia -hezkuntza berezia- (1990eko martxoaren 28ko Ebazpena).
    • Unibertsitatera Bideratzeko Ikasturtea eta Batxilergo Bateratu Balioanitza (ikasle errepikatzaileak).
    • Lanbide-prestakuntzako programak.
    • Zentro integratuenak.
    • Unibertsitate-ikasketak (gradua, masterra, gradu-amaierako eta master-amaierako proiektua eta doktoretza barne).
    • Goi mailakoa, musika kontserbatorioetan.
    • Goi mailakoa, dantza kontserbatorioetan.
    • Arte dramatikoa.
    • Teologia, Eliza Katolikoaren goiko zentroetan.
    • Helduen bigarren hezkuntzako bigarren maila.
    • Enpresetan praktikak egiten dituzten unibertsitateko ikasleak.
    • Helduarora igarotzeko prestakuntza programak.

  • Era berean, Europar Batasuneko eta Europako Eremu Ekonomikoko estatu kideetako ikasle nazionalak eta Espainian bizi diren ikasle atzerritarrak ere sartzen dira, espainiarren baldintza beretan; betiere, ikasketa horietako bat Espainian egiten badute, Espainiako eskola-aseguruaren kuota ordainduta, eta 28 urte bete arte.

  • Aurreko kasuetako ikasleak ere estalita egongo dira, Europar Batasuneko estatu bateko, Europako Eremu Ekonomikoko edo Suitzako kualifikazio ofizial bat (kasuan kasuko agintariek onartutakoa) lortzeko ikasketak egiteko aldi baterako joan-etorrietan. Aseguruaren kuota Espainiako jatorrizko ikastetxean ordaindu beharko dute.

Baldintza orokorrak

  • Gutxienez 28 urte izatea; hala ere, Eskola Aseguruak ikasleak adin hori betetzen duen ikasturte osoa estaliko du.

  • Esan bezala, espainiarra, EB/EEEko nazionala edo Espainian legez bizi den atzerritarra izatea. Eskola Aseguruak ez ditu estaliko Espainian egoera irregularrean dauden ikasleak. 

  • Aurreko atalean aipatutako ikasketaren batean matrikulatuta egotea Espainian.

  • Eskola Aseguruari dagokion aurtengo kuota ordaindu izana.

  •  Eskatzen da ikasleak aseguruan den edozein ikastetxetan estraineko aldiz izena eman zuenetik gutxienez urte beteko epea igaro dela ziurtatzen duen agiria izatea. Gabezia gehigarriko urte hori Asegurua eskatzen den ikasturtearen aurrekoa edo horren aurrekoa izan daiteke. Baldintza horrek salbuespen hauek ditu, aurreko urtean kuota bat ordaindu behar ez denean:

    • Eskola-istripu, familia-burua hiltzeagatiko familia-ezbeharra eta tokologiagatiko prestazioak eskatzen badira.

    • Aurreko urtean DBHko 2. maila edo lanbide-heziketa berezia egin bazuten, oraindik ez baitzegoen Eskola Asegurua ordaindu beharrik.

Eskola Aseguruaren estaldura ikaslea araubide honen onuradun izaten hasten den ikasturtearekin hasiko da, eta ez da urte naturalarekin bat etorriko. Oro har, ikastaroa irailaren 16an hasi eta hurrengo urteko irailaren 15ean bukatuko da.

Eskola Asegurua aplikatzeko behar diren baldintzak betetzen ez dituzten ikasleek ez dute Eskola Aseguruaren kuota ordaintzeko betebeharrik. Horregatik, Eskola Aseguruaren barruan dauden ikasleen zerrenda Gizarte Segurantzaren Diruzaintza Nagusira eta dagokien Hezkuntza-kontseilaritzara bidaltzeko betebeharra duten ikastetxeek ez dituzte sartu beharko Eskola Asegurutik kanpo geratzen diren ikasleak.

Zerikusia duen informazioa
Enlace a la sede electrónica
Complementary Content
${loading}