Xestión e solicitudes
-
A solicitude de xubilación parcial presentarase ante a Entidade xestora correspondente, o Instituto Nacional da Seguridade Social (INSS) ou, se se trata de traballadores incluídos no Réxime Especial de Traballadores do Mar, o Instituto Social da Mariña (ISM), indicando a data prevista en que vaia producirse o cesamento no traballo ou, no seu caso, a data da nova redución de xornada.
-
A solicitude poderá presentarse cunha antelación máxima de 3 meses ás datas indicadas no parágrafo anterior.
-
Antes de elaborar a proposta de resolución, a Entidade xestora comunicará ao solicitante se reúne as condicións xerais esixidas para ter dereito á pensión e, no seu caso, a contía que puidese corresponderlle para que, nun prazo máximo de 10 días, formule alegacións e presente os documentos que estime pertinentes.
-
O recoñecemento do dereito quedará condicionado á formalización do correspondente contrato de traballo a tempo parcial e, de ser necesario, o de remuda ou, no seu caso, á modificación dos mesmos nos supostos de nova redución de xornada.