As primas correspondentes ás continxencias de accidentes de traballo e enfermidades profesionais terán, para todos os efectos, a condición de cotas da Seguridade Social.
A cotización por accidentes de traballo e enfermidades profesionais, nos réximes da Seguridade Social nos que se deba cotizar especificamente por estas continxencias, efectuarase mediante achegas exclusivas das empresas.
A porcentaxe que se debe aplicar será a que estableza a tarifa de primas vixente (disposición adicional cuarta da lei 42/2006, do 28 de decembro, de Orzamentos Xerais do Estado para o ano 2007, na redacción dada pola disposición final oitava da Lei 26/2009, do 23 de decembro, de Orzamentos Xerais do Estado para o ano 2010), segundo a actividade desenvolvida pola empresa ou a ocupación/situación do traballador, no seu caso.