Sistema Especial para Empregados de Fogar

Neste Sistema Especial para Empregados de Fogar quedan comprendidos os traballadores suxeitos á relación laboral especial do servizo do fogar familiar, regulada polo Real Decreto 1620/2011, do 14 de novembro.

Quedan excluídos deste sistema especial os traballadores que presten servizos domésticos non contratados directamente polos titulares do fogar familiar, senón a través de empresas, de acordo co previsto na disposición adicional décimo sétima da Lei 27/2011, do 1 de agosto, sobre actualización, adecuación e modernización do sistema de Seguridade Social.

Para máis información sobre os trámites a realizar, se quere dar de alta unha persoa empregada de fogar, consulte o apartado "Emprego fogar " dispoñible no Portal da Tesourería Xeral da Seguridade Social.

Responsable

Desde o 1 de xaneiro de 2023, o suxeiro responsable do ingreso das cotas é o empregador, conforme á normativa establecida no Réxime Xeral da Seguridade Social.

Forma de pagamento

O procedemento de ingreso de cotas realizarase mediante domiciliación bancaria ou cargo en conta.

Prazo

O prazo regulamentario de ingreso das cotas de cada mes será o mes seguinte á devindicación.

A información relativa á cotización aplicable no Sistema Especial para Empregados de Fogar pódese consultar na sección Traballadores > Cotización/Recadación de Traballadores > Bases e tipos de cotización, no apartado “Sistema Especial para Empregados de Fogar”.