Quen debe cotizar?

• Os empresarios.
• Os traballadores incluídos no Réxime Especial de Minería do Carbón  , que realicen a súa actividade por conta de aqueles.

Nacemento e Fin da obriga de cotizar

A obriga de cotizar nace dende o comezo da prestación do traballo e non se interrompe mentres dura a relación laboral entre o empresario e o traballador. Mesmo subsiste nas situacións de incapacidade temporal, risco durante o embarazo, risco durante a lactación natural, períodos de descanso por maternidade ou paternidade, e períodos de proba do traballador. A obriga de cotizar remata ao finalizar a prestación de traballo, sempre que se presente o parte de baixa do traballador dentro dos 3 días naturais seguintes.