Trámites e Xestións de Convenios Especiais

A través de Importass  pódese solicitar:

• A alta dun convenio especial coa Seguridade Social.
• A baixa dun convenio especial subscrito coa Seguridade Social.
• A variación de datos, reanudación ou suspensión dun convenio especial subscrito coa Seguridade Social.

Para acceder a este servizo requírese certificado, DNI electrónico ou Cl@ve Permanente.

En caso de non dispoñer dos medios de identificación anteriores, poderase
realizar achegando copia de ambas as caras do DNI/NIE e un selfie coa cara dianteira do documento identificativo.

A través do servizo Cambio de base de cotización de convenios especiais, existente en Importass, pódese solicitar a modificación da base de cotización dun convenio especial subscrito coa Seguridade Social, así como a solicitude ou renuncia ao incremento na base de cotización deste, en función do establecido na Orde que regula o convenio.

A través de IMPORTASS, servizo “Os teus expedientes e solicitudes”, permítese consultar, achegar documentación e realizar o seguimento de calquera trámite ou solicitude presentada ante a Tesouraría Xeral da Seguridade Social.

A través de IMPORTASS, servizo “Consulta de pagamentos e débedas”, seleccionando a categoría “Devolución de ingresos de réximes e sistemas especiais”, permítese solicitar o reintegro total ou parcial das cotas ingresadas por erro nos termos e supostos fixados regulamentariamente.

A través do servizo de autocálculo pode realizar, dende o seu ordenador, o cálculo aproximado da contía á que ascenderá a cota do convenio especial ao que quere subscribirse.

A través da Sede Electrónica da Seguridade Social, os que sexan responsables do pagamento das cotas de convenios especiais poderán solicitar a domiciliación do pagamento das cotas de Seguridade Social na entidade financeira da súa elección ou o cambio da conta bancaria.

Este servizo está dispoñible na Sede Electrónica da Seguridade Social, para os que sexan responsables do pagamento das cotas de convenios especiais:

Persoas físicas

Este servizo pon a disposición dos responsables do pagamento das cotas de convenios especiais que sexan persoas físicas, ou, se é o caso, os seus apoderados persoas físicas, a posibilidade de consultar os recibos de liquidación mensuais nos que se detalla a información relativa ás cotas de Seguridade Social.

Persoas xurídicas ou empresas

Este servizo pon a disposición dos responsables do pagamento das cotas de convenios especiais que sexan persoas físicas, ou, se é o caso, os seus apoderados persoas xurídicas, a posibilidade de consultar os recibos de liquidación mensuais nos que se detalla a información relativa ás cotas de Seguridade Social.

En ambos os dous casos, para acceder a estes servizos, requírese certificado dixital, DNI electrónico ou Cl@ve Permanente.

Para consultas de información xeral en materia de convenios especiais, dispón das canles relacionadas no apartado “Axudámosche” da Sede Electrónica da Seguridade Social.