A alta, a baixa e as variacións de datos son comunicacións obrigatorias que deben facerse á Seguridade Social para informar sobre o comezo da actividade laboral dun traballador, sobre o cesamento nesta ou sobre as modificacións de datos identificativos e laborais dos traballadores afiliados á Seguridade Social.

Está obrigado o empresario a solicitar a alta, a baixa e a comunicar as variacións de datos de todos os seus traballadores.

• Alta e Variación de datos: Modelo TA2/S.
• Baixa:   Modelo TA2/S e TA2/S-Simplificado.

• Na Dirección Provincial da Tesouraría Xeral da Seguridade Social ou Administración desta.
• A través do Sistema RED .

Solicitude da Alta:

• Previa ao inicio da relación laboral.

Solicitude da Baixa e Variación de datos:

• 3 días naturais.

Alta:

• As altas presentadas con carácter previo producen efectos a partir do día en que se inicie a actividade.
• As altas presentadas fóra de prazo terán efectos dende o día en que se presente a solicitude, agás que o ingreso das cotas se tivese producido no prazo regulamentario, en cuxo caso a alta retrotraerá os seus efectos á data en que se ingresasen as primeiras cotas correspondentes ao traballador de que se trate.
• As altas realizadas de oficio retrotraerán os seus efectos á data en que os feitos que as motiven fosen coñecidos.

Baixa:

• A baixa do traballador producirá efectos dende o cesamento na prestación dos servizos.
• A solicitude de baixa do traballador extinguirá a obriga de cotizar dende o cesamento no traballo.
• Se a baixa se solicita fóra de prazo, a obriga de cotizar extínguese o día en que a Tesouraría Xeral da Seguridade Social coñeza o cesamento no traballo.
• Cando a Tesouraría Xeral da Seguridade Social curse a baixa de oficio, a obriga de cotizar extinguirase dende o mesmo día en que se levase a cabo a actuación inspectora, ou se recibisen os datos ou documentos que acrediten o cesamento no traballo.

O empresario deberá remitir á TGSS, dentro dos quince días seguintes á terminación de cada mes natural, por duplicado e segundo modelo oficial, os partes ou relacións mensuais de:

• Os traballadores que ingresasen e cesasen na empresa.
• Os traballadores que cambiasen de categoría ou especialidade profesional ou que a conserven malia ter pasado a un posto de traballo ao que correspondería outra.
• Dos traballadores que faltasen ao traballo por causas que non sexan as que teñan por motivo a baixa médica por enfermidade común ou profesional e accidente, sexa ou non de traballo, e as autorizadas polas normas laborais correspondentes con dereito a retribución.