Procedemento de Aprazamentos de débedas

A continuación preséntase o procedemento xeral

Quen pode solicitalo?

O suxeito responsable do pagamento da débeda.

Cando ten que presentalo?

En calquera momento a partir do inicio do prazo regulamentario de ingreso da débeda da que se trate.

Que trámites se deben de realizar?

Deberán presentar os modelos:

• TC 17/10 Solicitude de aprazamento para o pagamento de débedas coa Seguridade Social.
• TC 17/11 Recoñecemento de débedas coa Seguridade Social.
• TC de Liquidación inaprazable.
• TC de Liquidación aprazable.
• TC-2 Relación nominal dos traballadores.

E a documentación solicitada segundo o caso.

Onde se tramita?

Vía presencial

A solicitude dirixirase á Dirección Provincial da Tesourería Xeral da Seguridade Social, Administración da Seguridade Social ou Unidade de Recadación Executiva da Seguridade Social en que o empresario ou suxeito responsable do pagamento teña autorizada a conta de cotización ou, no seu defecto, na que teña o seu domicilio.

Vía telemática

Accedendo, con certificado dixital, ao trámite do Rexistro Electrónico da Sede Electrónica: Aprazamento no pagamento de débedas á Seguridade Social.

Cando se dita e notifica a Resolución?

A Administración ditará e notificará a resolución no prazo de 3 meses naturais dende a recepción da solicitude no órgano competente para a súa tramitación.