Procedemento de Subsidio a prol de familiares

A continuación preséntase o procedemento xeral.

Que é o subsidio a prol de familiares da Seguridade Social?

É unha prestación económica que consiste nun subsidio temporal que se lles concede aos familiares que convivisen e dependesen economicamente da persoa falecida e reúnan os requisitos esixidos.

Que trámites se deben realizar?

• Completar o modelo de solicitude de  Prestacións de Supervivencia.
• A documentación persoal e a específica que se indica no modelo de solicitude.

Onde se tramita?

Pode realizar este trámite a través da Sede Electrónica da Seguridade Social (https://sede.seg-social.gob.es) por correo ordinario ou nun centro de Atención e Información da Seguridade Social, solicitando cita previa nos teléfonos 901 10 65 70/ 91 541 25 30 ou na web www.seg-social.es
Os traballadores do mar deberán presentalo nas Direccións Provinciais do Instituto Social da Mariña (ISM).

O recoñecemento do dereito corresponde ao Instituto Nacional da Seguridade Social (INSS), agás para os traballadores do mar que corresponde ao Instituto Social da Mariña (ISM); cando o falecemento derive de accidente de traballo, á Mutua Colaboradora coa Seguridade Social.

Cando se solicita o subsidio a prol de familiares e cando se inicia o pagamento?

O subsidio solicitarase en calquera momento posterior ao falecemento e aboarase a partir do día primeiro do mes seguinte ao da data de solicitude.

Cando se extingue o dereito ao subsidio?

O subsidio extínguese:

• Por esgotamento do período máximo de duración.
• Por falecemento.