• Persoas que estean o estivesen suxeitas á lexislación dun ou varios Estados membros, e sexan:
  • Nacionais dun Estado membro da Unión Europea, dun Estado Parte do Espazo Económico Europeo, ou de Suíza, ou
  • Apátridas ou refuxiados residentes nun dos Estados membros da Unión Europea, nun Estado Parte do Espazo Económico Europeo ou Suíza.

Tamén se aplican aos membros da familia e os supérstites dos anteriores.

Así mesmo, aplícanse aos superviventes de persoas que estivesen suxeitas á lexislación dun ou varios Estados membros, calquera que sexa a nacionalidade destas, se estes superviventes son nacionais dun Estado membro da Unión Europea, dun Estado Parte do Espazo Económico Europeo, ou de Suíza, ou refuxiados ou apátridas residentes no territorio da Unión Europea, do Espazo Económico Europeo, ou de Suíza.

• Nacionais de terceiros países con residencia legal nun Estado membro da Unión Europea (agás Dinamarca e Reino Unido), de acordo co Regulamento (CE) Nº 1231/2010 polo que se estenden as disposicións do Regulamento (CE) nº 883/04 a este colectivo, coas seguintes excepcións:
  • Nas relacións con Dinamarca (é dicir, se o interesado está ou estivo suxeito tanto á lexislación danesa como á doutro ou outros Estados membros). En Dinamarca os Regulamentos Comunitarios de Seguridade Social non son aplicables aos nacionais de terceiros países.
  • Nas relacións con Reino Unido. Neste Estado membro seguen sendo aplicables, aos nacionais de terceiros países, os Regulamentos (CEE) nº 1408/71 e 574/72.