Outros datos de interese

• Os períodos de seguro acreditados en calquera dos países, antes da data de entrada en vigor do Convenio, serán tomados en conta para a determinación do dereito ás prestacións que se recoñezan ao seu amparo.

• As pensións e/ou xubilacións liquidadas por un ou os dous países ou os dereitos a pensións e xubilacións denegados antes da entrada en vigor do Convenio poderán ser revisados ao amparo deste a petición dos interesados. O prazo para solicitar a revisión é de dous anos a partir do 1 de marzo de 2006. O dereito hase adquirir desde a data da solicitude, salvo disposición máis favorable da lexislación do país que efectúe a revisión. Non se revisarán as prestacións aboadas que consistiran nunha cantidade única.

• A aplicación do Convenio permite avaliar o dereito a percibir prestacións por continxencias que tiveran lugar con anterioridade á data da súa entrada en vigor. Porén, o aboamento destas non se efectuará, en ningún caso, por períodos anteriores á dita data.

• O presente Convenio garante os dereitos adquiridos ao amparo do Convenio Xeral sobre Seguridade Social do 25 de xuño de 1959 e do Convenio Complementario ao Convenio de Seguridade Social do 2 de maio de 1972.