Informazio orokorra

Hitzarmena honako prestazio hauei aplikatzen zaie:

Espainiari dagokionez:

Gizarte Segurantzaren sistemako ordaindutakoaren araberako prestazio hauetarako:

• Amatasunagatiko prestazio ekonomikoak
• Baliaezintasunagatiko, zahartzaroagatiko eta heriotza eta biziraupenagatiko prestazioak.
• Lan istripuaren eta lanbide gaixotasunaren ondoriozko prestazio ekonomikoak.

Argentinari dagokionez:

Gizarte Segurantzaren ordaindutakoaren araberako prestazioei dagozkien legedietarako:

• Familia Esleipenen erregimena, Amatasunagatiko esleipenari esklusiboki dagokionez.
• Banaketa Sisteman edo Kapitalizazio Indibidualean oinarritutako Erretiro eta Pentsioen erregimenak
• Laneko Arriskuen erregimena.

Prestazio horiei dagokienez, kontuan hartu behar da honako hau:

• Hitzarmenean aurreikusitako ordaindutakoaren araberako prestazioak jasotzeko, Espainian eta Argentinan betetako aseguru aldiak batu daitezke.

• Ordaindutakoaren araberako prestazio ekonomikoak jasotzeko, ez da kontuan hartuko interesduna Espainian edo Argentinan bizi den edo bertan dagoen.

• Herrialde bakoitzak bere prestazioak ordainduko dizkio zuzenean onuradunari.

• Bi herrialdeetako legeriek ordaindutakoaren araberako pentsioa jasotzeko eskubidea izateko ezarritako baldintzak betetzen dituzten pertsonek ordaindutakoaren araberako pentsioa jaso ahal izango dute herrialde horietako bakoitzean.

Amatasuna

Prestazio hauen onarpenerako, beharrezkoa bada, bi herrialdeetan egiaztatutako aseguru aldiak batuko dira.

Baliaezintasuna, Zahartzaroa eta Biziraupena

1. Espainiako Gizarte segurantzaren pentsioak eta Argentinako banaketa sistemaren erretiro eta pentsioak. Herrialde bakoitzak bere aldetik aztertuko du prestazio eskaera bakoitza, honela:

• Interesdunak pentsiorako eskubidea duen begiratuko da, aseguru aldi propioetan oinarrituz, beste herrialdekoak gehitu gabe.

• Era berean, aseguru aldi propioei, beste herrialdean ziurtatutakoak gehituko zaizkie eta prestazioa kalkulatuko da. Kasu honetan, prestazioaren zenbatekoa ez da osoa izango, baizik eta ematen duen herrialdean betetako aseguru aldien eta Espainia eta Argentinako aldien baturaren arteko proportzioaren araberakoa.

• Aurreko ataletan adierazitakoaren arabera kalkulatutako prestazioak alderatuko dira, eta herrialde bakoitzak interesdunarentzat mesedegarriena den prestazioa aitortu eta ordainduko du.
  
• Espainiako Gizarte Segurantzaren erretiroagatiko pentsiorako Argentinako aseguru aldien guztizkoa zenbatu bada, guztizko zenbaketa hori erabiliko da pentsioa zein adinetan jaso ahal izango den kalkulatzeko.

2. Argentinako kapitalizazio sistema indibidualeko erretiro eta pentsioak:

• Pentsio eta Erretiro Funtsen Administratzaile bateko afiliatu langileek kapitalizazio indibidualeko kontuetan pilatutako zenbatekora zordundutako prestazioak jasotzeko eskubidea izango dute.
• Prestazio horiek Aurreikuspen Erregimen Publikoaren edo Argentinako Banaketaren kargurako prestazioei batuko zaie, Argentinako legedian eskatutako baldintzak biltzen baditu.

Lan Istripua eta Lanbide Gaixotasuna

Istripua gertatzean edo gaixotasuna hartzean langilea arautzen zuen legediari dagokion herrialdeak zehaztuko du prestazioa.