FAQs relacionadas

Que sucede se a Base de Cotización Provisional Promedio Mensual calculada pola TGSS está dentro do tramo polo que coticei?

Cotizouse correctamente e non ten que realizar ningunha outra actuación.

As Bases de cotización provisional elixidas nos distintos períodos do ano da regularización de cotas convértense en Bases de cotización definitiva.

Que sucede se un/unha autónomo/a só ten períodos non regularizables?

Os/as autónomos/as que só teñen períodos non regularizables recibirán unha resolución indicando que non procede ningunha regularización de cotas.

Nestes casos, as cotizacións realizadas adquiren carácter definitivo sen necesidade de realizar cálculos de rendementos netos nin de Base de cotización definitiva nin, polo tanto, de liquidacións.

Base garantida. Disposición transitoria 6.ª RDL 13/2022. No suposto de que nun ano non exerza o meu dereito de manter o importe da base de cotización ata a contía da base de cotización que tiña en 12/2022, aínda que os meus rendementos determinen unha base inferior perdo o dereito a facelo nos anos seguintes?

Non, poderá exercer ese dereito en anos sucesivos, sempre que se atopase de alta a 31 de decembro de 2022. A baixa no citado réxime non extingue o dereito a esa base garantida, polo que poderá exercerse en altas posteriores.

Base garantida. Disposición transitoria 6.ª RDL 13/2022. O importe da base garantida que tiña en 12/2022 actualízase cada vez que se incrementen as bases mínimas ou máximas de cotización?

Non, o importe garantido da súa base de cotización de 12/2022 non se actualizará e permanecerá invariable ao longo do período que manteña ese dereito.

Que sucede se a Base de Cotización Provisional Promedio Mensual é inferior ou igual á base de cotización de 31 de decembro de 2022?

O/a autónomo/a pode elixir como Base de cotización definitiva a Base de Cotización Provisional Promedio Mensual ou a que lle corresponde por rendemento neto mensual (equivalente á base de cotización máxima do seu tramo).

Que sucede se a Base de Cotización Provisional Promedio Mensual é superior á base de cotización de 31 de decembro de 2022?

O/a autónomo/a pode elixir como Base de cotización definitiva a que tiña o 31/12/2022 ou a que lle corresponde por rendemento neto mensual (equivalente á base de cotización máxima do seu tramo). O exceso de cotización entre a Base de Cotización Provisional Promedio Mensual e a do 31 de decembro de 2022 sempre se devolverá de oficio.