Modelos de solicitude de prestacións por desemprego do ISM

Pode solicitar as seguintes prestacións por desemprego no Centro do Instituto Social da Mariña que lle corresponda polo seu domicilio, presentando o modelo de solicitude debidamente cuberto.

Ademais, dende o 23 de maio de 2012 pode solicitar por Internet as prestacións de Nivel Contributivo e Nivel Asistencial, a través da sede electrónica do SEPE, na seguinte dirección: https://sede.sepe.gob.es/contenidosSede/generico.do?pagina=/sede_virtual/sv00A.html

A solicitude de prórroga de período autorizado para desprazamento a outro Estado membro da Unión Europea co fin de buscar emprego, dirixirase por correo ou fax ao Centro do Instituto Social da Mariña que lle corresponda polo seu domicilio, antes de concluír o período de autorización do traslado inicial e coa documentación que xustifique o motivo polo que solicita a prórroga. O Centro do ISM comunicará ao interesado a decisión que se adopte sobre a concesión ou denegación da solicitude de prórroga.