Aviso Cookies

Este sitio web utiliza cookies para que vostede teña unha mellor experiencia de usuario. As cookies non se utilizan para recoller información de carácter persoal. Para máis información consulte a nosa política de cookies.

Valore esta página
Valore este contenido

Tramitación

Corrección de defectos ou omisións e informes:

Cando a solicitude de aprazamento formulada incorrera en defectos ou omisións, o órgano que deba tramitala requirirá ao solicitante, no prazo máximo de dez días, para que repare os defectos en igual prazo, con indicación de que, se así non o fixese, se remitirá o expediente ao órgano competente para que dite resolución na que se teña por desistido ao solicitante.

Se se considerase necesario, poderán obterse cantos informes e actuacións se estimen convenientes antes de resolver o aprazamento.

Resolución do aprazamento

Unha vez completada a documentación que deba achegar o solicitante, ditarase a correspondente resolución, que haberá de adoptarse no prazo máximo de tres meses contados a partir da data de entrada no rexistro do órgano competente para a súa tramitación. Unha vez transcorrido este prazo sen que recaera resolución expresa, poderá entenderse desestimada a solicitude. A efectos da resolución, ponderarase a reiteración de incumprimentos anteriores.


Contido da resolución:

As resolucións que concedan aprazamentos determinarán os seguintes extremos:

  • A contía da débeda aprazada
  • O período total do aprazamento.
  • A amortización concedida, a contía dos prazos de amortización e a data de vencemento destes.

Este período non poderá exceder de cinco anos. Non obstante, cando concorran causas de carácter extraordinario debidamente acreditadas, o Director Xeral da Tesourería Xeral da Seguridade Social poderá autorizar con carácter excepcional aprazamentos por períodos superiores.

Notificación da resolución:

As notificacións practicaranse por calquera medio que permita ter constancia da recepción polo interesado ou o seu representante, así como da data, a identidade e o contido do acto administrativo conforme ao previsto nos artigos 40 a 46 da Lei 39/2015, do 1 de outubro, do Procedemento Administrativo Común das Administracións Públicas.

O suxeito responsable deberá ingresar as cotas inaprazables, se non estiveran xa pagadas con anterioridade, no prazo máximo dun mes dende a data de notificación da resolución que concede o aprazamento.

Nos aprazamentos con exención de garantías por débedas aprazables inferiores a  90.000 euros e amortización nun período inferior a dous anos, deberá ingresar, polo menos, un terzo da débeda aprazada dentro dosdez días seguintes ao da notificación da resolución.

Ademais, a efectividade do aprazamento quedará suxeita ás restantes condicións específicas que poida establecer a resolución que os concedera.

Complementary Content
${loading}