Sistema especial de manipulado e empaquetado de tomate fresco destinado á exportación

A cota empresarial por continxencias comúns, desemprego e formación profesional calcúlase por tonelada de tomate fresco empaquetado ou fracción de 500 ou máis quilogramos.

Para o ano 2017, queda fixada en 1,47 euros. O devandito importe distribuirase en 1,31 euros para continxencias comúns e 0,16 para os outros conceptos de recadación conxunta (0,14 euros para desemprego e 0,02 para formación profesional).

A cotización correspondente ao traballador, así como a de continxencias profesionais e Fondo de Garantía Salarial, calcúlase conforme ás normas establecidas con carácter xeral.

A cotización adicional por horas extraordinaria unicamente afectará á achega do traballador, por canto a achega do empresario queda comprendida na cota por tonelada de tomate indicada.

Segundo o artigo 152 da Lei Xeral da Seguridade Social, os empresarios e traballadores quedarán exentos de cotizar á Seguridade Social por continxencias comúns, agás por incapacidade temporal derivada destas, sempre que estes últimos acrediten para o ano 2017, 65 anos e 0 a 4 meses de idade e 36 anos e 3 meses ou máis cotizados, ou 65 anos e 5 meses ou máis de idade e 35 anos e 6 meses ou máis cotizados.

O ingreso de cotas realízase mediante o documento de cotización TC-1/25.

Nos supostos en que a cotización por tonelada resulte inferior ao 75 por 100 do total de cotizacións á Seguridade Social por continxencias comúns, incluíndo a achega dos traballadores, as empresas virán obrigadas a presentar ante a Dirección Provincial da Tesourería Xeral da Seguridade Social correspondente ou Administración desta os documentos acreditativos das exportacións realizadas, na forma e coa periodicidade que se determine.