Quen debe cotizar?

O traballador incluído no Réxime Especial de Traballadores Autónomos da Seguridade Social.

Nacemento e Fin da obriga de cotizar

• O traballador autónomo está obrigado a cotizar dende o primeiro día do mes en que inicia a súa actividade.
  
• A obriga subsiste mentres o traballador desenvolve a súa actividade, mesmo durante as situacións de incapacidade temporal, risco durante o embarazo, risco durante a lactación natural, períodos de descanso por maternidade ou paternidade. A obriga termina o último día do mes en que o traballador finaliza a súa actividade por conta propia, sempre e cando comunique a súa baixa dentro de prazo. En caso contrario, segue obrigado a cotizar ata o último día do mes de comunicación da baixa, agás que se xustifique o cesamento na actividade.
  
  É importante, por tanto, que o traballador autónomo non esqueza comunicar á Tesourería Xeral da Seguridade Social o seu cesamento na actividade, dentro dos 3 días naturais seguintes a este cesamento.