Menpekotasun egoeran direnen zaintzaile ez profesionalen hitzarmen berezia 615/2007 ED

Hitzarmen Berezi honek emandako babes-ekintza erretiroari dagokiona iznago da, eta istripu batek, edozein dela haren izaera, edo gaixotasun batek, izaera edozein den, eragindako ezintasun iraunkorrekoa eta heriotza eta biziraupenekoa izango da.

Eskaerak Gizarte Segurantzako Diruzaintza Nagusiko Zuzendaritza Probintzialean edo horren Administrazioan aurkeztuko dira dagokion ereduaren bidez (TA-0040 eredua ).

Eraginak hitzarmen berezia eskatzen den egunean hasiko dira. 

Kolektibo honentzako hitzarmena ondoko edozein arrazoirengatik iraungiko da:

• Zaintzaileak, erretiroko edo aldi baterako ezintasuneko pentsio baten, edo alarguntza edo familia-aldeko pentsio baten titulartasuna lortzen duenean, edo 65 urte baino gehiago dituenean Gizarte Segurantzaren edozein Erregimenetan.
• Artatutako pertsona hiltzen denean edo familia-zainketengatiko prestazio ekonomikoa iraungitzen denean edo hitzarmena hitzartu zuena hiltzen denean.
• Zaintzaile lanak uzteagatik.
• 615/2007 EDn ezarritako baldintzak betetzeari uzteagatik.

Hitzarmen berezi honengatiko Gizarte Segurantzaren kotizazioak harpidedunaren kontura izango dira.

Hitzarmen espezifiko honetan arautzen ez denerako, hitzarmen berezi hau urriaren 13ko 2865/2003 GET Aginduaren I. Kapituluaren arabera arautuko da.

Mendekotasun-egoeran dauden pertsonen zaintzaile ez profesionalak, maiatzaren 11ko 615/2007 EDk  (12ko BOE ) araututako prestazio ekonomikoaren hartzaileak badira.

Erregulazio berria: 2019ko martxoaren 1eko 6/2019 Errege Dekretu Legearen 4. artikuluko hamabigarren eta hamahirugarren puntuak, eta martxoaren 8ko 8/2019 Errege Dekretu Legearen azken xedapenetako bigarreneko hirugarren puntua.

Oro har, prestazio hau eskatzeko zaintzaileak honako baldintza hauek bete beharko ditu: ezingo da lanaldi osoan Gizarte Segurantzaren edozein erregimenetan alta egoeran egon, ezingo da langabezian egon edo ezingo ditu prestazio zehatz batzuk jaso.

GARRANTZITSUA:

Araudi berriaren arabera, 2019ko apirilaren 1etik aurrera, mendekotasun-egoeran dauden pertsonen zaintzaile ez-profesionalen hitzarmen bereziei dagokien kuota (mendekotasun-egoeran dauden pertsonen zaintzaileen Gizarte Segurantza arautzen duen maiatzaren 11ko 615/2007 Errege Dekretuan aurreikusten direnak), Estatuko Administrazio Orokorrak ordainduko du. Halaber,  egun, 2019ko apirilaren 1ean, indarrean dauden hitzarmenek horrela dirautela ulertuko da, eta ordaindu beharreko kuota Estatuko Administrazio Orokorraren kontura izango da.