A Orde PRE/1664/2008, do 13 de xuño, pola que se dá publicidade ao Acordo de Consello de Ministros polo que se toma coñecemento do Acordo da Administración Xeral do Estado co Departamento de Transporte de Mercadorías do Comité Nacional do Transporte por Estrada do 11 de xuño de 2008, así como a Orde PRE/1773/2008, do 20 de xuño, pola que se dá publicidade ao Acordo de Consello de Ministros polo que se toma coñecemento do Acordo da Administración Xeral do Estado co departamento de Transporte de Viaxeiros do Comité Nacional do Transporte por Estrada do 19 de xuño de 2008, nos seus respectivos artigos 3.1. establece que:

“Poderanse diferir as cotas empresariais ata un ano, debendo facerse fronte a estas nun prazo máximo dos 24 meses seguintes. Isto mesmo será de aplicación ás cotas dos autónomos do sector do transporte por estrada.”

A Resolución do 26 de xuño de 2008, da Tesourería Xeral da Seguridade Social, sobre autorización para diferir o pagamento das cotas empresariais da Seguridade dos suxeitos responsables que exercen a súa actividade no sector do transporte por estrada, establece no seu artigo Primeiro:

“Autorízase a todas as empresas que desenvolven a súa actividade no sector do transporte por estrada, CNAE 60212, 60213, 60230, 60241, 60242 e 60243, con traballadores en alta polos que deben cotizar á Seguridade Social, e que así o soliciten, a diferir durante 24 meses o prazo regulamentario de ingreso da totalidade das cotas empresariais da Seguridade Social correspondentes aos períodos de liquidación de xuño 2008 a maio 2009, debendo ingresarse, mensualmente, dende xullo 2010 a xuño 2011.

Iso enténdese, sen prexuízo da obriga da empresa de descontar e reter a achega correspondente aos traballadores e de ingresar o seu importe no prazo regulamentario.”

Así mesmo, no seu artigo Segundo, autoriza o adiamento das cotas dos traballadores por conta propia ou autónomos:

“Autorízase a todos os traballadores por conta propia ou autónomos que desenvolvan a súa actividade no sector do transporte por estrada, CNAE 60212, 60213, 60230, 60241, 60242 e 60243, e que así o soliciten, a diferir durante 24 meses o prazo regulamentario de ingreso das cotas da Seguridade Social correspondentes aos períodos de liquidación de xuño de 2008 a maio 2009, debendo ingresarse, mensualmente, dende xuño 2010 a maio 2011.”

INSTRUCIÓNS PARA A APLICACIÓN DA RESOLUCIÓN

1. PRESENTACIÓN DE SOLICITUDES DE ADIAMENTO DAS COTAS
   
   As solicitudes deberán presentarse na sede da correspondente Dirección Provincial da Tesourería Xeral da Seguridade Social.
   
   Poderá solicitarse o adiamento en calquera momento entre a entrada en vigor da Resolución (4 de xullo de 2008) e o último día do prazo regulamentario de ingreso do último período de liquidación susceptible de adiamento, é dicir, ata o 30 de xuño de 2009, no caso das empresas, ou ata o 31 de maio de 2009, no suposto de traballadores autónomos.
   
   Os efectos da autorización unicamente abranguerán as cotas correspondentes ao período de liquidación en cuxo prazo regulamentario de ingreso se presentase a solicitude, ata as cotas correspondentes ao mes de maio de 2009. 
   
2. PRESENTACIÓN DE DOCUMENTOS DE COTIZACIÓN A TRAVÉS DO SISTEMA RED 
   
   As empresas do transporte autorizadas ao adiamento das cotas empresariais deberán presentar os documentos de cotización segundo as seguintes instrucións:
   
1. O ficheiro FAN non sofre ningunha modificación. Deberá presentarse a relación nominal de traballadores pola totalidade das bases, bonificacións e reducións. Os segmentos totalizadores (EDTTT) deberán cubrirse calculando a totalidade das cotas debidas (cota obreira e cota empresarial). Polo tanto, no ficheiro FAN indicaranse as cotas totais, sen ter en conta o adiamento da cota empresarial.
2. Para as empresas que soliciten cargo en conta ou pagamento electrónico, o Sistema calculará automaticamente o Recibo de Liquidación de Cotizacións correspondente á achega dos traballadores. Este Recibo de Liquidación de Cotizacións deberá facerse efectivo no seu prazo regulamentario de ingreso (sen ter en conta o adiamento, xa que este só afecta á cota empresarial).
3. Non se aplicará o adiamento e, polo tanto, calcularase a totalidade das cotas (obreira máis empresarial) nas liquidacións que resulten saldo acredor, así como naquelas nas sendo o resultado total a ingresar, o importe da cota empresarial resulte a percibir.
4. As empresas que non se acollan ás modalidades de pagamento e ingresen a cota obreira mediante boletín de cotización TC1, deberán consignar na cela “Clase de Liquidación e Clave de Control” (CLCC) o código 1-08.
5. En ambos casos, tanto para as empresas que realizaron o ingreso da cota obreira a través das modalidades de pagamento coma para as que realizaron o ingreso mediante boletín de cotización TC1, a cota empresarial deberán ingresala nos 24 meses seguintes ao prazo regulamentario de ingreso, mediante boletín de cotización TC1, que conterá as cotas empresariais adiadas, así como as compensacións de pagamento delegado, bonificacións e reducións. Este boletín deberá codificarse con clase de liquidación e clave de control 2-08.
   
   Este TC1 correspondente á cota empresarial (2-08) NON debe ir acompañado da Relación Nominal de Traballadores (TC2)
   
   Estase a estudar a implementación un servizo que permita obter os Recibos de Liquidación de Cotizacións correspondentes á cota empresarial diferida (primeiro mes de ingreso xullo 2010 para as liquidacións correspondentes a xuño 2008). Unha vez estea implementado informarase mediante Boletín de Noticias RED.
   
6. Inicialmente só se calculará automaticamente o adiamento das cotas (cálculo da cota obreira) nas liquidacións normais (L00). Non obstante, as empresas autorizadas que desexen acollerse ao adiamento das cotas nas liquidacións complementarias sempre que se presenten en prazo regulamentario e abranguen períodos de liquidación susceptibles de adiamento (comprendidos entre xuño 2008 e maio 2009), poderán ingresar a cota obreira mediante confección do boletín de cotización TC1, codificado coa clase de liquidación e clave de control que corresponda en función do tipo de liquidación, é dicir, 4-00 para liquidacións L02 e L03, e 4-15 para liquidacións L13.
   
   Unha vez estea implementado o cálculo automático da cota obreira nas liquidacións complementarias comunicarase oportunamente mediante Boletín de Noticias RED.
   
7. As modificacións necesarias para calcular automaticamente a cota obreira estarán operativas a partir do 1 de setembro (período de liquidación de agosto de 2008).
   
3. PRESENTACIÓN DE LIQUIDACIÓNS A TRAVÉS DO SISTEMA RED DIRECTO
   
   Nos Acordos do Transporte de Mercadorías e do Transporte de Viaxeiros, prevese a aplicación do programa RED Directo, polo que se factura directamente ás empresas as cotizacións de Seguridade Social co conseguinte aforro de custos de xestión.
   
   Para dar cumprimento ao establecido nestes Acordos realizaranse as modificacións necesarias para calcular a través do Sistema RED Directo a cota obreira para as empresas autorizadas ao transporte. Así mesmo, implementarase un novo servizo de petición de Recibos de Liquidación de cotizacións correspondentes ás cotas empresariais adiadas.
   
   Estas modificacións no Sistema RED Directo aínda non están implementadas. No momento da súa implantación informarase oportunamente.
   
4. EMPRESAS QUE NON PRESENTAN A RELACIÓN NOMINAL DE TRABALLADORES A TRAVÉS DO SISTEMA RED 
   
   Para as empresas do transporte autorizadas ao adiamento das cotas empresariais que non presenten a Relación Nominal de Traballadores a través do Sistema RED será requisito imprescindible a presentación ante a Administración da Seguridade Social correspondente da Relación Nominal de Traballadores (TC2), e dous TC1, un correspondente á cota obreira e outro correspondente á cota empresarial.
   
   A Administración selará e codificará os TC1 coas claves 1-08 (cota obreira) e 2-08 (cota patronal).
   
   A empresa deberá facer efectivo o TC1 na Entidade Financeira correspondente, sen que se acompañe da Relación Nominal de Traballadores (TC2).