O Certificado Dixital é un mecanismo de seguridade electrónica e confidencialidade que garante a integridade, identidade e non repudio nas comunicacións electrónicas.

É necesario porque a comunicación entre os usuarios e a TGSS  realízase a través de Internet e para que sexa posible, é necesario garantir a seguridade das comunicacións a través desta rede. No noso caso, conséguese mediante a utilización do Certificado SILCON que proporciona a TGSS como entidade certificadora.

A integridade é un servizo de seguridade que permite comprobar que non se produciu manipulación ningunha na mensaxe orixinal. A integridade dunha mensaxe obtense achegando a esta outro conxunto de datos de comprobación.

Este concepto refírese a que cada envío que se faga, no que estea presente o Certificado SILCON, vai quedar completamente identificado o emisor. É coma se ese envío fose asinado pola persoa que o realiza, coa súa sinatura dixital.

O non repudio ou irrenunciabilidade é un servizo de seguridade que permite probar a participación das partes nunha comunicación. Existirán polo tanto dúas posibilidades:

- Non repudio en orixe: o emisor non pode negar que enviou a mensaxe porque o destinatario ten probas do envío.

- Non repudio en destino: o receptor non pode negar que recibiu a mensaxe porque o emisor ten probas da recepción.
A posesión dun documento e a súa sinatura dixital asociada será unha proba efectiva do contido e do autor do documento.

O cifrado é un mecanismo de seguridade que permite modificar unha mensaxe de xeito que o seu contido sexa ilexible, agás para o seu destinatario. De xeito inverso, o descifrado permitirá facer lexible unha mensaxe que estaba cifrada.

O Certificado SILCON tamén realiza esta función de cifrado, o que permite asegurarlle ao emisor da mensaxe que só o receptor vai poder ler o seu contido.
 

Non. Os cidadáns que teñan o Certificado SILCON poderán acceder a información relativa á súa situación laboral, para ter acceso a Servizos RED, o cidadán ten que estar dado de alta como usuario dalgunha autorización no Sistema RED.
 

Revogar un certificado é anular a súa validez antes da data de caducidade que consta nel. A revogación pode ser solicitada en calquera momento, e en especial, cando o titular crea que as súas claves privadas son coñecidas por outros.

A revogación ten efectos a partir da data efectiva de revogación que consta onda o número de serie do certificado revogado nun documento asinado e publicado pola Autoridade de Certificación.

Calquera sinatura dixital realizada coa clave privada asociada a ese certificado con posterioridade á data efectiva de revogación non terá validez.

Para acceder ao Sistema RED a través de INTERNET é necesario dispor dun Certificado SILCON.