Procedemento de Pensión de orfandade

A continuación preséntase o procedemento xeral.

Que é a prestación de orfandade da Seguridade Social?

É unha prestación económica consistente nunha pensión que se concede aos fillos da persoa falecida e aos achegados polo seu cónxuxe, que reúnan os requisitos esixidos.

Que trámites se deben realizar?

• Cumprimentar o modelo de solicitude de Prestacións de Supervivencia.
• A documentación persoal e a específica que se indica no modelo de solicitude.

Onde se tramita?

Pode realizar este trámite a través da Sede Electrónica da Seguridade Social (https://sede.seg-social.gob.es) por correo ordinario ou nun centro de Atención e Información da Seguridade Social, solicitando cita previa nos teléfonos 901 10 65 70/ 91 541 25 30 ou na web www.seg-social.es
Os traballadores do mar deberán presentalo nas Direccións Provinciais do Instituto Social da Mariña (ISM).

O recoñecemento do dereito corresponde ao Instituto Nacional da Seguridade Social (INSS), excepto para os traballadores do mar que corresponde ao Instituto Social da Mariña (ISM); cando o falecemento derive de accidente de traballo, á Mutua Colaboradora coa Seguridade Social.

Cando se solicita a pensión de orfandade e cando se inicia o pagamento?

A pensión solicitarase en calquera momento posterior ao falecemento, non obstante, cando a solicitude se presente fóra dos tres meses seguintes ao falecemento, a pensión aboarase cunha retroactividade máxima de 3 meses á data de solicitude.

Cando a solicitude se presente dentro dos 3 meses posteriores ao falecemento, a pensión aboarase:

Se o falecido se atopaba en alta, en situación asimilada á alta ou non alta, desde o día seguinte á data do feito causante.
Se o falecido era pensionista, dende o día primeiro do mes seguinte á data do feito causante.

Cando se extingue o dereito á pensión?

A pensión de orfandade extínguese:

Por cumprimento da idade máxima, salvo incapacitados.
Por concluír a incapacidade que lle outorgaba o dereito á pensión.
Por adopción.
Por contraer matrimonio (salvo excepcións).
Por falecemento.
Por comprobarse que non faleceu a persoa traballadora desaparecida.