• Os períodos de seguro acreditados en calquera dos dous países antes da data de entrada en vigor do Convenio, serán tomados en conta para a determinación do dereito e a contía das prestacións que se recoñezan ao amparo do mesmo.



• As pensións que foran concedidas por un ou ambos países ou os dereitos a prestacións que foran denegados antes da entrada en vigor do Convenio poderán ser revisados ao amparo do mesmo, a petición dos interesados. Non obstante, non se revisarán as prestacións aboadas que consistisen nun pagamento único.



• A aplicación do convenio permite o exame do dereito a prestacións por continxencias que tivesen lugar con anterioridade á data da súa entrada en vigor, se ben, o aboamento destas non se efectuará en ningún caso por períodos anteriores a súa vixencia.



• O presente Convenio garante os dereitos adquiridos ao amparo dos Convenios do 1 de abril de 1960 e do 8 de maio de 1974.